Baspana naryǵynda jańa úiler qymbattap jatyr. Ulttyq statistika biýrosynyń málimetinshe, baǵa bir jylda 4 paiyzǵa kóterilgen. Ósim, ásirese, Pavlodar, Aqtóbe, Kókshetaý qalalarynda baiqalady, dep jazady Dalanews.kz.
Ekinshi naryqtaǵy úi men jalǵa beriletin páter baǵasy da yryqqa kónbei tur. Soǵan qaramastan, byltyr baspanaly bolǵandar az emes. Bir jylda satý jáne satyp alý boiynsha 400 myńǵa jýyq kelisim jasaldy. Al biyl turǵyn úi naryǵynda baǵa qalai ózgeredi? Naýryz aiynan bastap baspana kúrt qymbattaidy degen boljam qanshalyqty ras? Bul rette qazaqstan.tv rielterler qaýymdastyǵy prezidentiniń pikirimen bólisti.
Larisa Stepanenko, Qazaqstannyń ózin-ózi retteitin rielter qaýymdastyǵynyń prezidenti:
"Baspana kúrt qymbattaidy" dep, aldyn ala dúrbeleńge salynýdyń qajeti joq. Baǵa ósimi suranysqa bailanysty bolady. Qazir dollar qubylyp, qurylys materialdary qymbattaǵan soń, suranys tómen. Tiimdi ipotekalyq baǵdarlamalardyń azdyǵy taǵy bar. Osynyń bárin eskersek, baǵa jyl sońyna deiin 7 paiyzǵa ósýi múmkin. Degenmen qosylǵan qun salyǵyna qatysty sheshim naryqqa áser etýi múmkin ekenin aita ótken jón.
Buǵan deiin Qazaqstan qarjygerleri qaýymdastyǵynyń boljamymen bólisken bolatynbyz. Qaýymdastyq sarapshylary qazir aqshany depozit pen jyljymaityn múlikke qaraǵanda aktsiialarǵa salǵan áldeqaida tiimdirek ekenin aitady.
