باسپانا نارىعىندا جاڭا ٷيلەر قىمباتتاپ جاتىر. ۇلتتىق ستاتيستيكا بيۋروسىنىڭ مەلٸمەتٸنشە, باعا بٸر جىلدا 4 پايىزعا كٶتەرٸلگەن. ٶسٸم, ەسٸرەسە, پاۆلودار, اقتٶبە, كٶكشەتاۋ قالالارىندا بايقالادى, دەپ جازادى Dalanews.kz.
ەكٸنشٸ نارىقتاعى ٷي مەن جالعا بەرٸلەتٸن پەتەر باعاسى دا ىرىققا كٶنبەي تۇر. سوعان قاراماستان, بىلتىر باسپانالى بولعاندار از ەمەس. بٸر جىلدا ساتۋ جەنە ساتىپ الۋ بويىنشا 400 مىڭعا جۋىق كەلٸسٸم جاسالدى. ال بيىل تۇرعىن ٷي نارىعىندا باعا قالاي ٶزگەرەدٸ? ناۋرىز ايىنان باستاپ باسپانا كٷرت قىمباتتايدى دەگەن بولجام قانشالىقتى راس? بۇل رەتتە qazaqstan.tv ريەلتەرلەر قاۋىمداستىعى پرەزيدەنتٸنٸڭ پٸكٸرٸمەن بٶلٸستٸ.
لاريسا ستەپانەنكو, قازاقستاننىڭ ٶزٸن-ٶزٸ رەتتەيتٸن ريەلتەر قاۋىمداستىعىنىڭ پرەزيدەنتٸ:
"باسپانا كٷرت قىمباتتايدى" دەپ, الدىن الا دٷربەلەڭگە سالىنۋدىڭ قاجەتٸ جوق. باعا ٶسٸمٸ سۇرانىسقا بايلانىستى بولادى. قازٸر دوللار قۇبىلىپ, قۇرىلىس ماتەريالدارى قىمباتتاعان سوڭ, سۇرانىس تٶمەن. تيٸمدٸ يپوتەكالىق باعدارلامالاردىڭ ازدىعى تاعى بار. وسىنىڭ بەرٸن ەسكەرسەك, باعا جىل سوڭىنا دەيٸن 7 پايىزعا ٶسۋٸ مٷمكٸن. دەگەنمەن قوسىلعان قۇن سالىعىنا قاتىستى شەشٸم نارىققا ەسەر ەتۋٸ مٷمكٸن ەكەنٸن ايتا ٶتكەن جٶن.
بۇعان دەيٸن قازاقستان قارجىگەرلەرٸ قاۋىمداستىعىنىڭ بولجامىمەن بٶلٸسكەن بولاتىنبىز. قاۋىمداستىق ساراپشىلارى قازٸر اقشانى دەپوزيت پەن جىلجىمايتىن مٷلٸككە قاراعاندا اكتسييالارعا سالعان ەلدەقايدا تيٸمدٸرەك ەكەنٸن ايتادى.
