Jalpy alǵanda elektr qýatyn óndirý isi barlyq energojúıede baıqalýda. Bul jaıynda «Samuryq-Energo» AQ-nyń «Naryqty damytý» departamentiniń daıyndaǵan joba-josparynda atap kórsetilgenin aıta ketýimiz kerek.
«Samuryq-Energo» mekemesine qaraıtyn kásiporyndar sońǵy alty aıda 17 891,17 kVt/saǵ qýat kózin óndirip, 2020 jyldyń dál osy kezeńimen salystyrǵanda 25,5 paıyzǵa artyq qýat kózin óndirgen.
Osylaısha halyq pen óndiris oshaqtarynyń qýat kózin tutyný mólsheri 2021 jyldyń qańtar-maýsym aılary aralyǵynda 6 paıyzǵa joǵarlap otyr. Tutyný men óndirý kórsetkishin salystyryp qaraǵanda ósim kórsetkishi tym joǵary ekenin baıqaý qıyn emes.
Osy rette elimizdiń óńirlerinde qýat kózin tutynýdyń mólsherine kóz júgirtsek, 2020 jyly soltústik aımaqta ósip – 6 paıyzǵa, ońtústikte – 10 paıyzǵa, al batysty – 2 paıyzǵa joǵarlaǵanyn baıqaımyz.
«Samuryq-Energo» sarapshylary 2021-2027 jyldar aralyǵynda jyl saıyn elimizde elektr qýatyna degen suranys 2,4 paıyz mólsherinde bolatynyn alǵa tartýda. Al 2027 jyly elimizde elektr qýatynyń defısıt kórsetkishi 898 MVt bolatynyn boljap otyr.
Osy suranystyń ornyn toltyrý úshin «Samuryq-Energo» AQ-y elmizde qýat kózin óndiretin jańa stansalardyń qurylys jumystaryn júrgizip, elektr qýatyn óndiretin kásiporyndardy zaman talabyna saı qaı jańǵyrtyp máseleni sheshýge kúsh salýda.
Sońǵy ýaqyttary elimizde qýat kózin óndirý isi jańǵarmaly (kún, jel, boıogaz stansalary jáne Shaǵyn GES-ter) qýat kózin óndiretin nysandary da óz úlesin qosyp keledi. Aıtalyq, 2021 jyldyń qańtar-mamyr aılarynda bul baǵyt boıynsha 2005,5 mln kVt/saǵ qýat kózi óndirilip, ótken jyldyń osy kezeńimen salystyrǵanda kórsetkiz 1,4 paıyzǵa joǵarlaǵanyn baıqalady.
Nurlan JUMAHANOV
