جالپى العاندا ەلەكتر قۋاتىن ءوندىرۋ ءىسى بارلىق ەنەرگوجۇيەدە بايقالۋدا. بۇل جايىندا «سامۇرىق-ەنەرگو» اق-نىڭ «نارىقتى دامىتۋ» دەپارتامەنتىنىڭ دايىنداعان جوبا-جوسپارىندا اتاپ كورسەتىلگەنىن ايتا كەتۋىمىز كەرەك.
«سامۇرىق-ەنەرگو» مەكەمەسىنە قارايتىن كاسىپورىندار سوڭعى التى ايدا 17 891،17 كۆت/ساع قۋات كوزىن ءوندىرىپ، 2020 جىلدىڭ ءدال وسى كەزەڭىمەن سالىستىرعاندا 25،5 پايىزعا ارتىق قۋات كوزىن وندىرگەن.
وسىلايشا حالىق پەن ءوندىرىس وشاقتارىنىڭ قۋات كوزىن تۇتىنۋ مولشەرى 2021 جىلدىڭ قاڭتار-ماۋسىم ايلارى ارالىعىندا 6 پايىزعا جوعارلاپ وتىر. تۇتىنۋ مەن ءوندىرۋ كورسەتكىشىن سالىستىرىپ قاراعاندا ءوسىم كورسەتكىشى تىم جوعارى ەكەنىن بايقاۋ قيىن ەمەس.
وسى رەتتە ەلىمىزدىڭ وڭىرلەرىندە قۋات كوزىن تۇتىنۋدىڭ مولشەرىنە كوز جۇگىرتسەك، 2020 جىلى سولتۇستىك ايماقتا ءوسىپ – 6 پايىزعا، وڭتۇستىكتە – 10 پايىزعا، ال باتىستى – 2 پايىزعا جوعارلاعانىن بايقايمىز.
«سامۇرىق-ەنەرگو» ساراپشىلارى 2021-2027 جىلدار ارالىعىندا جىل سايىن ەلىمىزدە ەلەكتر قۋاتىنا دەگەن سۇرانىس 2،4 پايىز مولشەرىندە بولاتىنىن العا تارتۋدا. ال 2027 جىلى ەلىمىزدە ەلەكتر قۋاتىنىڭ دەفيسيت كورسەتكىشى 898 مۆت بولاتىنىن بولجاپ وتىر.
وسى سۇرانىستىڭ ورنىن تولتىرۋ ءۇشىن «سامۇرىق-ەنەرگو» اق-ى ەلمىزدە قۋات كوزىن وندىرەتىن جاڭا ستانسالاردىڭ قۇرىلىس جۇمىستارىن جۇرگىزىپ، ەلەكتر قۋاتىن وندىرەتىن كاسىپورىنداردى زامان تالابىنا ساي قاي جاڭعىرتىپ ماسەلەنى شەشۋگە كۇش سالۋدا.
سوڭعى ۋاقىتتارى ەلىمىزدە قۋات كوزىن ءوندىرۋ ءىسى جاڭعارمالى (كۇن، جەل، بويوگاز ستانسالارى جانە شاعىن گەس-تەر) قۋات كوزىن وندىرەتىن نىساندارى دا ءوز ۇلەسىن قوسىپ كەلەدى. ايتالىق، 2021 جىلدىڭ قاڭتار-مامىر ايلارىندا بۇل باعىت بويىنشا 2005،5 ملن كۆت/ساع قۋات كوزى ءوندىرىلىپ، وتكەن جىلدىڭ وسى كەزەڭىمەن سالىستىرعاندا كورسەتكىز 1،4 پايىزعا جوعارلاعانىن بايقالادى.
نۇرلان جۇماحانوۆ
