Almaty oblysynda dáriger jetispeýshiligi máselesin boldyrmaý úshin medısına qyzmetkerleriniń turǵyn úı máselesi kezeń-kezeńimen sheshilip keledi. Máselen, jyl basynan beri olarǵa 127 páter berilgen, jyl sońyna deıin taǵy 64 dáriger baspana alady. Bul jaıynda búgin Almaty oblysynyń ákimi Amandyq Batalov Nur-Sultan qalasynda ótken brıfıń kezinde aıtyp berdi, – dep habarlaıdy Dalanews.kz Almaty oblysy ákiminiń baspasóz qyzmetine silteme jasap.
Oblys ákimniń aıtýynsha, densaýlyq saqtaý salasynda bıylǵy jyly úsh aýyldyq dárigerlik ambýlatorıa iske qosyldy, al jalpy barlyǵy jeti nysan salynýda.
Oblys ákimi «Aýyl
– El besigi» baǵdarlamasynyń eldi mekenderdi kórkeıtýge tıigizip otyrǵan oń áserine de toqtalyp ótti. Atalmysh baǵdarlama aıasynda tórt aýyldyq mádenıet úıi jóndelgen, úsh saıabaq ashylǵan, Taldyqorǵan, Úshtóbe qalalaryndaǵy skverler abattandyrylǵan.
