الماتى وبلىسىندا دارىگەر جەتىسپەۋشىلىگى ماسەلەسىن بولدىرماۋ ءۇشىن مەديسينا قىزمەتكەرلەرىنىڭ تۇرعىن ءۇي ماسەلەسى كەزەڭ-كەزەڭىمەن شەشىلىپ كەلەدى. ماسەلەن، جىل باسىنان بەرى ولارعا 127 پاتەر بەرىلگەن، جىل سوڭىنا دەيىن تاعى 64 دارىگەر باسپانا الادى. بۇل جايىندا بۇگىن الماتى وبلىسىنىڭ اكىمى اماندىق باتالوۆ نۇر-سۇلتان قالاسىندا وتكەن بريفينگ كەزىندە ايتىپ بەردى، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
وبلىس اكىمنىڭ ايتۋىنشا، دەنساۋلىق ساقتاۋ سالاسىندا بيىلعى جىلى ءۇش اۋىلدىق دارىگەرلىك امبۋلاتوريا ىسكە قوسىلدى، ال جالپى بارلىعى جەتى نىسان سالىنۋدا.
وبلىس اكىمى «اۋىل
– ەل بەسىگى» باعدارلاماسىنىڭ ەلدى مەكەندەردى كوركەيتۋگە تيىگىزىپ وتىرعان وڭ اسەرىنە دە توقتالىپ ءوتتى. اتالمىش باعدارلاما اياسىندا ءتورت اۋىلدىق مادەنيەت ءۇيى جوندەلگەن، ءۇش ساياباق اشىلعان، تالدىقورعان، ۇشتوبە قالالارىنداعى سكۆەرلەر اباتتاندىرىلعان.
