Taǵdyr tabystyrǵan, tabany Alataý men Altaidyń atyrabyna tigen osynaý ult pen ulystyń uiymshyldyǵy «Halyqtar dostyǵy» degen máńgilik alaýdyń óshpeýine kepil. Degenmen, soǵan qaramastan el arasynda sorpanyń qainaýyndai burq ete qalatyn tartysta bolatyny jasyryn emes. Osyndai kikiljińniń aldyn alý úshin júieli jospar qajet.
Bul tusta Almaty oblystyq «Dostyq úii» Qoǵamdyq kelisim ortalyǵy biregei jobalar qataryn el nazaryna usynyp otyrǵan jaiy bar. Bul týraly «Dostyq úii» direktory Sandýǵash Dúisenova málimdedi.
Alǵashqy balamasy joq joba – Jer Janaty Jetisy.
Bul jastardyń kásibin bastaý úshin oqytý jáne granttar bólý arqyly kásipkerlik qyzmetti nasihattaýǵa baǵyttalǵan.
«Jobany qurýǵa jas urpaq arasyndaǵy etnosaralyq qaqtyǵystar túrtki boldy, al ol qaqtyǵystardyń basty sebebi – jastar arasynda oryn alǵan jumyssyzdyq» deidi Sandýǵash Elýbaiqyzy.
Joba sheńberinde áleýmettik saýalnama arqyly belsendi aýyl jastary izdestirilip, odan keiin qatysýshylardy kásipkerlik negizderine oqytý júrgiziledi. Al oqý sońynda qatysýshylarǵa sertifikattar beriledi. Sonymen qatar, jobany uiymdastyrýshylar men kýratorlar jas kásipker biznesin qoldaý jáne alǵa jyljytý boiynsha qoldaý kórsetedi.
Festivaldiń maqsaty shaǵyn biznespen ainylysatyn jáne kóp jaǵdaida úi óndirisinde otyrǵan tulǵalarǵa jańa deńgeige kóshýdi yntalandyrý bolyp keledi. Ultaralyq kelisimdi nyǵaitý da osy jobanyń ajyramas bóligi bolyp tabylady.
Jobanyń negizgi mindetteri Jetisý óńiriniń etnomádeni ortalyqtarynyń alýan túrliligin kórsetý, sondai-aq túrli etnos ókilderi arasynda kásipkerlerdi yntalandyrý jáne qoldaý bolyp tabylady. Festivaldi júzege asyrý barysynda kelesi taqyryptar usynylady:
- úide biregei óndiris,
- halyqtyń shyǵarmashylyq bólimi,
- innovatsiialar.
- Mádeniet jáne jańa tehnologiialardy engizý.
– Festival aiasynda «Iskerlik mektep» alańy jumys isteitin bolady. Jas kásipkerler arasynda keńes berý jáne beiresmi qarym-qatynas arqyly uiymdastyrýshylar eń batyl biznes-ideialardyń týyndaýyna áser etýi múmkin. Sonymen qatar, festival aiasynda kásipkerler «Jyldyń ashylýy» nominatsiiasy boiynsha qatysýshylardy marapattaityn bolady, – dedi «Dostyq úii» Qoǵamdyq kelisim ortalyǵynyń direktory Sandýǵash Dúisenova.
Festivalge Almaty oblysynyń 17 aýdany men 3 qalasy qatysa alady.
Eńbekke tartý arqyly, tájiribe almasý negizinde iske asatyn kelesi joba – «Qyryltai» halyqaralyq forýmy.
Joba ejelgi Jibek jolyn jańǵyrtý arqyly ideologiialyq yntymaqtastyqqa baǵyttalǵan, ol adamdardyń óz elinen shyqqan etnostarmen erkin júrip-turý jolyndaǵy barlyq kedergilerdi joiýǵa, sondai-aq ulttyq dástúrlerdi nyǵaitýǵa ony odan ári damytýǵa kómektesedi.
Forýmǵa TMD elderinen delegattar qatysady. Qonaqtar Qazaqstan jerinde túrli sebepterge bailanysty qalyp qoiǵan óz ultynyń turǵyndarymen, olardyń salt-dástúrlerimen, ádet-ǵuryptarymen tanysa alady.
Forým barysynda kásipkerlik, saýda jáne investitsiia salasyndaǵy halyqaralyq yntymaqtastyq máseleleri sheshiletin bolady. Forýmǵa qatysýshylar birneshe baǵyttardy tamashalai alady:
- Jastarǵa patriottyq tárbie berý;
- Halyqaralyq jáne aimaqaralyq yntymaqtastyqty damytý
- Jastardyń dástúrli otbasylyq qundylyqtaryn qalyptastyrý
- Qazaqstandyq biregeilikti, barlyq etnostardyń birligin qalyptastyrý, mádenietaralyq jáne konfessiiaaralyq dialogqa járdemdesý.
«Forým sońynda «Etno-moda» baiqaýy ótedi, onyń barysynda túpnusqalyq jáne qaita jańartylǵan kostiýmnen bastap, sýretshilerdiń, modelerlerdiń, dizainerler men stilistterdiń fýtýristik, fantastikalyq týyndylaryna deiin kiimdegi etnikalyq stildiń barlyq baǵyttary usynylatyn bolady. Baiqaýǵa Táýelsiz Memleketter Dostastyǵy elderiniń joǵary jáne orta bilim berý mekemeleriniń dizainerleri, oqytýshylary men stýdentteri qatysady» degen paiymda Sandýǵash Elýbaiqyzy.
Ulttar arasyndaǵy yntymaqtastyqty nasihattaýdy kózdegen jobalar qatarynda ólkemizdiń tarihy men mádenietin , bolmysyndaǵy daralyǵyn kópke kórsetýde nazardan tys qalmaǵan. Onyń dáleli «Etno-aýyl Jailau» jobasy.
Jobanyń maqsaty – Almaty oblysynda etno-aýyl qurý. Ulttyq-mádeni keshenniń kelýshileri – Jetisýda turatyn ózge etnos ókilderiniń bai tarihyn, mádenietin, ónerin jáne dástúrlerin tamashalai alady. Kez kelgen adam, órkeniettiń etnomádeni ortasyna enip, túrli etnostardyń merekelik ómirinen tolyq lázzat ala alady.
– Osy jobany iske asyra otyryp, eldiń tarihi jáne mádeni murasyn nasihattaýǵa, qunsyz salt-dástúrler men ádet-ǵuryptardyń rýhani qazynasynyń ulǵaiýyna úlken yqpal etýge múmkindigimiz bar, – deidi Sandýǵash Dúisenova.
Keshende túrli etnostardyń taǵamdary, salt-dástúrleri, sondai-aq ulttyq kiimder usynylatyn bolady.
Kelýshiler úshin sheberlik synyptary, Tildik kýrstar, tigý jáne kesteleý sabaqtary ótkiziledi, sondai-aq kelýshiler bi bilep, túrli mýzykalyq aspaptarda oinaýdy úirene alady.
Jobany iske asyrý barysynda Qazaqstan úshin biregei týr-ónim jasalady, ol Almaty oblysynyń týrizm salasyn damytýǵa tamasha qosymsha bola alady.
Sandýǵash Dúisenova sondai-aq, búgingi kúni joǵaryda atalǵan jobalardy júzege asyrý boiynsha belsendi jumys júrgizilip jatqanyn atap ótti. Mekeme basqa basqarmalarmen jáne departamenttermen yntymaqtastyq úshin memorandýmdar daiyndaý ústinde.
Anar Sabyrova, Almaty oblysy
