Qazaqstannyń aqyly avtojoldarynda jyl basynan beri jyldamdyq rejimin buzýǵa qatysty júzdegen myń derek anyqtaldy. «QazAvtoJol» júrgizýshilerdiń jyldamdyǵyn baqylaý qalai júrgiziletinin jáne qansha zańbuzýshylyq tirkelgenin málimdedi, dep habarlaidy dalanews.kz.
Kompaniia málimetinshe, qazir elimizdegi 11 jol ýchaskesinde ortasha jyldamdyqty baqylaý júiesi jumys isteidi. Júie kóliktiń belgili bir jol aralyǵyn qansha ýaqytta júrip ótkenin eseptep, sonyń negizinde ortasha qozǵalys jyldamdyǵyn anyqtaidy.
2026 jylǵy 1 qańtar men 14 qyrkúiek aralyǵynda osy júie arqyly 518 myńnan astam jyldamdyq buzý deregi tirkelgen. Bul tiisti organdarǵa joldanǵan jyldamdyqty asyrý faktileriniń shamamen 78 paiyzyn quraidy.
Budan bólek, elimizdegi 23 aqyly jol ýchaskesinde belgilengen shekteý aimaǵyndaǵy jyldamdyqty tikelei tirkeý júiesi qoldanylady. Jyl basynan beri mundai baqylaý arqyly 143,2 myńnan astam zań buzý deregi anyqtalyp, tiisti organdarǵa joldanǵan.
Osylaisha, eki baqylaý júiesi boiynsha jyl basynan beri keminde 661,2 myń jyldamdyqty asyrý deregi tirkelgen.
