Almatyda asa iri kólemdegi urlyq isi boiynsha Nurlan Jumasultanov qamaýǵa alyndy. Bul týraly jýrnalist Mihail Kozachkov málimdedi, dep habarlaidy dalanews.kz.
Jýrnalistiń aitýynsha, qylmystyq is Almaty áýejaiynan joǵalyp ketken Fokker 100 ushaq qozǵaltqyshtaryna bailanysty qozǵalǵan. Málimet boiynsha, sol qozǵaltqyshtardyń biri keiin 2019 jyldyń jeltoqsanynda apatqa ushyraǵan Bek Air áýe kompaniiasynyń ushaǵynan tabylǵan.
Is boiynsha tergeý birneshe jylǵa sozylǵan. Kozachkovtyń málimetinshe, 2026 jyly materialdar Ulttyq qaýipsizdik komitetiniń qaraýyna berilgen. Al 9 qyrkúiekte Nurlan Jumasultanov eki ai merzimge qamaýǵa alynǵan.
Is boiynsha taǵy bir kúdiktige qatysty úiqamaq túrindegi bultartpaý sharasy tańdalǵan.
Nurlan Jumasultanov buǵan deiin Bek Air kompaniiasynda tikelei jumys istemegenin aitqan. Alaida sot materialdarynda ol kompaniianyń negizin qalaýshy ári naqty iesi retinde kórsetilgen.
