Astanadaǵy "Shyǵys" turǵyn úi kesheninde bolǵan otbasylyq janjal erli-zaiyptylardyń ólimimen aiaqtaldy. Bul týraly KTK.kz habarlady.
Astana qalalyq politsiia departamentiniń málimetinshe, janjal kezinde 55 jastaǵy er adam 53 jastaǵy áieline pyshaq jaraqatyn salǵan. Keiin er adamnyń ózi de kóz jumǵan. Ekeýi de oqiǵa ornynda qaitys bolǵan.
Politsiia qazir bolǵan jaǵdaidyń barlyq sebebi men mán-jaiyn anyqtaýǵa baǵyttalǵan tergeý júrgizip jatyr.
Qaiǵyly oqiǵa turǵyn úi kesheniniń toǵyzynshy qabatyndaǵy páterlerdiń birinde bolǵan. Kórshilerdiń sózinshe, oqiǵa túngi ýaqytta órbigen.
Kýágerlerdiń biri 12 jastaǵy balanyń páterden júgirip shyǵyp, aiǵailaǵanyn estigenin aitqan. Keiin kórshiler páter ishindegi jaǵdaidy baiqap, politsiia shaqyrǵan.
Turǵyndardyń aitýynsha, bul otbasy Astanaǵa Shymkentten jýyrda kóship kelgen. Buǵan deiin olardyń qandai da bir oǵash áreketi baiqalmaǵan.
Qazir oqiǵaǵa qatysty tergeý jalǵasyp jatyr.
