Jetisýda tórt túlik maldyń sany 3,018 myń basqa jetti

Dalanews 13 maý. 2023 06:56 365

Jetisý oblysynda bıyl tórt túlik maldyń sany 3,018 myń basqa jetti, sonyń ishinde iri qara – 613,3 myń, qoı-eshki – 2,183,5 myń, jylqy – 201,4 myń, túıe – 2,1 myńdy quraǵanyn Jetisý oblysynyń ákimi brıfıńte Beıbit Isabaev aıtty, – dep habarlaıdy Dalanews.kz Jetisý oblysy ákiminiń baspasóz qyzmetine silteme jasap.

Osynyń arqasynda et óndirisi 28,6 myń tonna, sút óndirisi 87,3 myń tonnaǵa jetip, ótken jylmen salystyrǵanda artqan.

Beıbit Isabaevtyń sózine súıensek, jalpy jyl sońyna deıin aýyl sharýashylyǵy óniminiń kólemi 2,8% ósip, 544 mlrd teńgege jetedi dep josparlanýda.

Salany budan ári damytý úshin 2027 jylǵa deıin quny 57,9 mlrd teńge bolatyn 53 ınvestısıalyq jobany iske asyrý kózdelgen. Jobalar iske asqanda turaqty 1,2 myń jańa jumys orny ashylady.


Onyń ishinde «İri jobalar» pılottyq jobasy aıasynda 44,8 mlrd teńgege 18 joba kózdelse, bıyl 400 basqa arnalǵan, 2 mlrd teńgelik taýarly sút fermasy salyna bastaıdy. Bul nysan 2024 jyly iske qosylady dep mejelengen.

– Aýyl halqynyń tabysyn arttyrýǵa baǵyttalǵan «Aýyl amanaty» jobasyn iske asyrý sheńberinde 3,2 mlrd teńge bólindi, 562 úmitkerden pýl qalyptastyrady, – dep atap ótti spıker.

Usynylǵan
Sońǵy jańalyqtar