Oblystyq aýyl sharýashylyǵy basqarmasynyń málimetine qaraǵanda, búgingi kúni dándi daqyldardyń 233,3 myń gektary nemese 72% jınalǵan. Ár gektardyń ónimdiligi orta eseppen 17,6 sentnerden aınalýda. Jalpy jetisýlyq sharýalar 411 myń tonna astyq bastyryldy.
– Sebilgen 80,6 myń gektar maıly daqyldardyń 2,2 myń gektary, sonyń ishinde 1,3 myń gektary maqsary, 0,5 myń gektary maıburshaq, 0,1 myń gektary zyǵyr. Búginde maıly daqyldardyń, 2,4 myń tonnasy jınalyp, ortasha gektar ónimdiligi – 10,9 sentnerdi qurady.
Al kartop alqabynyń 50,4% nemese 6 myń gektary qazylyp, 122,6 myń tonna jınaldy, ár gektardan 205,2 sentnerden shyqty. Kókónis-baqsha daqyldaryn jınaý jumystary aıaqtalýǵa jaqyn. 9,3 myń gektardyń 7,8 myń jınalyp, 227,8 myń tonna ónim jınalǵan. Ár gektardan 291,4 sentnerden ónim alyndy, – dedi basqarma mamandary.
Al qant qyzylshasyn jınaý jumystary 10 qyrkúıekten bastalyp, búgingi kúni 210 gektar alqaptan 8,2 myń tonna tátti túbir jınaldy, ónimdiligi 399,2 sn/ga qurap otyr.
Egin oraǵyna 993 kombaın jumyldyrylyp, bir astyq qabyldaý pýnkti, 380 astyq qoımasy men 81 mehanıkalandyrylǵan qyrman daıyndaldy.
Kúzgi dala jumystaryna 7,9 myń tonna arzandatylǵan dızel otyny bólinip, búgingi kúnge deıin aýyl sharýashylyǵy taýaryn óndirýshilerine 1,9 myń tonna dızel otyny jetkizilgen.
Jalpy bıyl aýyl sharýashylyǵy salasyn sýbsıdıalaýǵa oblys boıynsha 23,5 mlrd teńge qarastyrylsa, sonyń 10,3 mlrd teńgesi egin sharýashylyǵyna baǵyttaldy.
Eske salsaq, bıyl Jetisý oblysynda aýyl sharýashylyǵy daqyldarynyń jalpy alańy 1,8 myń gektarǵa ulǵaıtylyp, 519 myń gektardy qurady. Ótken jyly dándi daqyldar 847,3 myń tonna bolsa, bıyl bul kórsetkish – 875,3 myń tonna bolyp otyr.
