وبلىستىق اۋىل شارۋاشىلىعى باسقارماسىنىڭ مەلٸمەتٸنە قاراعاندا, بٷگٸنگٸ كٷنٸ دەندٸ داقىلداردىڭ 233,3 مىڭ گەكتارى نەمەسە 72% جينالعان. ەر گەكتاردىڭ ٶنٸمدٸلٸگٸ ورتا ەسەپپەن 17,6 تسەنتنەردەن اينالۋدا. جالپى جەتٸسۋلىق شارۋالار 411 مىڭ توننا استىق باستىرىلدى.
– سەبٸلگەن 80,6 مىڭ گەكتار مايلى داقىلداردىڭ 2,2 مىڭ گەكتارى, سونىڭ ٸشٸندە 1,3 مىڭ گەكتارى ماقسارى, 0,5 مىڭ گەكتارى مايبۇرشاق, 0,1 مىڭ گەكتارى زىعىر. بٷگٸندە مايلى داقىلداردىڭ, 2,4 مىڭ تونناسى جينالىپ, ورتاشا گەكتار ٶنٸمدٸلٸگٸ – 10,9 تسەنتنەردٸ قۇرادى.
ال كارتوپ القابىنىڭ 50,4% نەمەسە 6 مىڭ گەكتارى قازىلىپ, 122,6 مىڭ توننا جينالدى, ەر گەكتاردان 205,2 تسەنتنەردەن شىقتى. كٶكٶنٸس-باقشا داقىلدارىن جيناۋ جۇمىستارى اياقتالۋعا جاقىن. 9,3 مىڭ گەكتاردىڭ 7,8 مىڭ جينالىپ, 227,8 مىڭ توننا ٶنٸم جينالعان. ەر گەكتاردان 291,4 تسەنتنەردەن ٶنٸم الىندى, – دەدٸ باسقارما ماماندارى.
ال قانت قىزىلشاسىن جيناۋ جۇمىستارى 10 قىركٷيەكتەن باستالىپ, بٷگٸنگٸ كٷنٸ 210 گەكتار القاپتان 8,2 مىڭ توننا تەتتٸ تٷبٸر جينالدى, ٶنٸمدٸلٸگٸ 399,2 تسن/گا قۇراپ وتىر.
كٷزگٸ دالا جۇمىستارىنا 7,9 مىڭ توننا ارزانداتىلعان ديزەل وتىنى بٶلٸنٸپ, بٷگٸنگٸ كٷنگە دەيٸن اۋىل شارۋاشىلىعى تاۋارىن ٶندٸرۋشٸلەرٸنە 1,9 مىڭ توننا ديزەل وتىنى جەتكٸزٸلگەن.
جالپى بيىل اۋىل شارۋاشىلىعى سالاسىن سۋبسيدييالاۋعا وبلىس بويىنشا 23,5 ملرد تەڭگە قاراستىرىلسا, سونىڭ 10,3 ملرد تەڭگەسٸ ەگٸن شارۋاشىلىعىنا باعىتتالدى.
ەسكە سالساق, بيىل جەتٸسۋ وبلىسىندا اۋىل شارۋاشىلىعى داقىلدارىنىڭ جالپى الاڭى 1,8 مىڭ گەكتارعا ۇلعايتىلىپ, 519 مىڭ گەكتاردى قۇرادى. ٶتكەن جىلى دەندٸ داقىلدار 847,3 مىڭ توننا بولسا, بيىل بۇل كٶرسەتكٸش – 875,3 مىڭ توننا بولىپ وتىر.
