Jetisai aýdanynda záitún egý josparlanýda
Ispaniialyq agro kompaniianyń ókili Faýistino Korralbelbeldiń aitýynsha, záitún egýge Jetisaidyń topyraǵy men klimaty óte qolaily eken. Sheteldik kompaniia bul qorytyndyǵa zertteý jumystarynyń nátijesinde kelgenin aityp otyr.
«Biz osydan birneshe ai buryn Jetisai aýdanynyń topyraǵyn saraptamadan ótkizý úshin Ispaniiaǵa joldaǵan bolatynbyz. Nátijesinde záitún egýge yńǵaily degen qorytyndyǵa qol jetkizip otyrmyz: Endigi maqsatymyz – osy aýdannan záitún baǵyn egýge qolaily jer taýyp, qosymsha saraptama jumystaryn ótkizý. Ol úshin bizge jergilikti bilik memleket menshigindegi jer telimin taýyp berýge kómek qolyn sozsa, josparymyzdy iske asyrýǵa niettimiz.Alǵashqyda biz 25 gektar jerge eksperiment retinde egip, eger tabysty bolyp jatsa, onyń kólemin jyl sanap ulǵaitý josparymyzda bar»,- deidi «Prometei» kompaniiasynyń ókili Qanat Qudaibergen.
Aýdan ákimi qonaqtarǵa ár jerde ornalasqan 3 jer teliminiń topyraǵyn saraptamadan ótkizip kórýge keńes berdi. Sondai-aq, eger joba tolyq iske asyp jatsa, aýdanymyzdan záitúndi qaita óńdeitin kásiporyn ashýǵa bolatynyn eskertti.
«Biz sizderdiń bul usynystaryńyzdy qýana qoldaýǵa daiynbyz. Aýdanymyzdaǵy egistik jerlerdiń bári derlik sýarmaly. Onyń ústine jeke sharýa qojalyqtarynyń ieleginde. Sondyqtan biz sizderge buǵan deiin igerilmei jatqan jerlerdi de usynyp otyrmyz», - dedi Jamantai Qanaiuly.
Aita keteiik, záitún aǵashy egilgennen keiin úsh jyldan soń ónim bere bastaidy. Eger kútip-baptaýy durys bolsa, 150 jylǵa deiin ónim berýge qaýqarly eken. Shamamen 1 gektarynan 10 tonnaǵa jýyq ónim alýǵa bolady. Al záitúnniń bir kelisi elimizde 35 dollardyń shamasynda bolsa, odan alynatyn maidyń bir litri 450 teńgege baǵalanýda.
Kásipkerler eger topyraqty zertteý nátijeleri oń qortyndy berse, aldaǵy aqpan aiynda kóshetterdi ispaniiadan ákelip otyrǵyzýǵa ázir ekendikterin jetkizdi. Olar sondai-aq, tamshylatyp sýarý ádisin qoldanbaq.
Jetisai aýdany ákiminiń baspasóz qyzmeti
Sýretterdi túsirgen Qýanysh Áýelbekov
