Qazaqstan Birikken Arab Ámirlikterimen jel elektr stantsiiasy (JES) jobalaryna bailanysty kelisimdi ratifikatsiialaýǵa daiyndyq júrgizýde. Ony júzege asyrý úshin qazaqstandyqtardyń zeinetaqy jinaǵynyń bir bóligin, iaǵni 1,5 trillion teńgeni BJZQ-dan alý josparlǵan, dep habarlaidy Dalanews.kz.
“2023 jyly 2 jeltoqsanda Qazaqstan Respýblikasynyń Úkimeti men Birikken Arab Ámirlikteriniń Úkimeti arasyndaǵy jel elektr stantsiiasy jobasyn iske asyrý týraly kelisim ratifikatsiialansyn”, - delingen Májiliske usynǵan zań jobasynda.
Kelisimniń maqsaty – jańartylatyn energiia kózderin (JEK) jáne Qazaqstannyń turaqty damýy salasyndaǵy jobalardy ilgeriletý.
“Atalmysh kelisim maqsattar men basymdyqtarǵa qol jetkizýge, sondai-aq taraptardyń energetikalyq qaýipsizdik, ekologiialyq taza tehnologiialarǵa kóshýge jáne shyǵaryndylardy azaitý salasyndaǵy mindettemelerin oryndaýǵa kómektesetin jobalardy ilgeriletýge baǵyttalǵan. Kelisim aiasynda Jambyl oblysynda jalpy qýaty 1 GVt jel energiiasyn paidalanatyn jel elektr stantsiiasy jobasyn salý josparlanýda. Kelisim jańartylatyn energiia kózderi men jasyl tehnologiialar salasyndaǵy jobalarǵa, elektr energiiasyn óndirý men saqtaýǵa baǵyttalǵan innovatsiialarǵa qatysty", - delingen zań jobasyna túsindirme jazbada.
Ázirleýshilerdiń pikirinshe, jobany iske asyrý JEK damytýdyń 2030 jylǵa qarai 15%-ǵa jetýin kózdeitin naqty nysanaly indikatorlarǵa qol jetkizýge, jańartylatyn energiia sektoryn úzdiksiz damytýǵa, sonymen birge jyl saiyn kómirqyshqyl gazynyń shyǵaryndylaryn azaitýǵa baǵyttalǵan.
“Jobany qabyldaý áleýmettik-ekonomikalyq, quqyqtyq jáne basqa da saldarǵa ákep soqpaidy ári mundaǵy erejeler ulttyq qaýipsizdikke áser etpeidi. Joba aiasynda 200-ge deiin turaqty jáne 1600-ge deiin ýaqytsha jumys oryndary qurylady. Shamamen 1,5 milliard dollar investitsiia tartylady. Sondai-aq qosymsha 3500 milliard kVt/saǵ jasyl energiia óndiriledi. Qala berdi jobany júzege asyrý kezinde memlekettik jáne jergilikti biýdjetterdiń kiristerin qysqartý nemese shyǵystaryn kóbeitý qarastyrylmaǵan", - dep túsindirdi ázirleýshiler.
23 qarashada premer-ministr Álihan Smaiylov BJZQ-dan azamattardyń 1,5 trillion teńge zeinetaqy jinaqtaryn infraqurylymǵa investitsiialaý josparyn rastady.
Alaida BJZQ-dan 1,5 trillion teńge shyǵarý jospary birden synǵa ushyrady. Máselen, májilis depýtaty Azat Perýashev eger memleket 1,5 trillion teńge zeinetaqyny alyp tastaý týraly sheshim qabyldasa, investorlardyń joǵaltqan shyǵynyn óteýi qajet dep sanaidy.
Májilis depýtaty Irina Smirnova da úkimettiń BJZQ-dan 1,5 trillion teńge shyǵarý jáne salyqty kóterý josparyn synǵa alyp, Qazaqstan Ministrler Kabinetiniń josparlarynyń daýly ekenin kórsetetin birqatar dálel keltirdi.
Al Ulttyq bank tóraǵasy Timýr Súleimenov 1,5 trillion teńgeni bólý josparyna túsinikteme bere otyryp, BJZQ-nyń “Samuryq-Qazyna” qoryna nemese “Báiterek” holdingine salǵan kez kelgen investitsiiasy tek naryqtyq baǵam boiynsha bolýy kerek ekenin jetkizdi.
QazTAG habarlaǵandai, Qazaqstanda azamattardyń 1,5 trillion teńge zeinetaqy jinaqtaryn tárkileýge qarsy petitsiia bastaldy.
