Qazaqstanda uialy telefondardy tirkeý júiesin memlekettik kompaniiaǵa berý josparlanyp otyr. Bul týraly tiisti zań jobasy qazir Májilis qaraýynda, dep habarlaidy Dalanews.kz.
Nege.kz málitmetinshe, qujat qabyldanǵan jaǵdaida, IMEI-kodtardy tirkeý boiynsha derekterdi jinaý men tólem qabyldaý qyzmeti jekemenshik qurylymdardan alynyp, tolyqtai memleketke ótedi. Sonyń ishinde qazirgi operator – ATS Mediafon KZ kompaniiasy bul protseske qatyspaityn bolady.
Aita keteiik, 2025 jyly jaýapty organdar bul qyzmetti jeke sektorǵa berý biýdjet tapshylyǵyna bailanysty tiimdi sheshim ekenin málimdegen edi. Alaida ýaqyt óte kele bul júie qoǵamda qyzý synǵa ushyrady. Azamattar men depýtattar, eń aldymen, jeke derekterdiń qaýipsizdigine jáne qyzmet qunynyń joǵary bolýyna alańdaýshylyq bildirdi. Máselen, byltyr bir qurylǵyny tirkeý quny shamamen 3 932 teńgeni quraǵan.
