قازاقستاندا ۇيالى تەلەفونداردى تىركەۋ جۇيەسىن مەملەكەتتىك كومپانياعا بەرۋ جوسپارلانىپ وتىر. بۇل تۋرالى ءتيىستى زاڭ جوباسى ءقازىر ءماجىلىس قاراۋىندا، دەپ حابارلايدى Dalanews.kz.
Nege.kz مالىتمەتىنشە، قۇجات قابىلدانعان جاعدايدا، IMEI-كودتاردى تىركەۋ بويىنشا دەرەكتەردى جيناۋ مەن تولەم قابىلداۋ قىزمەتى جەكەمەنشىك قۇرىلىمداردان الىنىپ، تولىقتاي مەملەكەتكە وتەدى. سونىڭ ىشىندە قازىرگى وپەراتور – ATS Mediafon KZ كومپانياسى بۇل پروسەسكە قاتىسپايتىن بولادى.
ايتا كەتەيىك، 2025 جىلى جاۋاپتى ورگاندار بۇل قىزمەتتى جەكە سەكتورعا بەرۋ بيۋدجەت تاپشىلىعىنا بايلانىستى ءتيىمدى شەشىم ەكەنىن مالىمدەگەن ەدى. الايدا ۋاقىت وتە كەلە بۇل جۇيە قوعامدا قىزۋ سىنعا ۇشىرادى. ازاماتتار مەن دەپۋتاتتار، ەڭ الدىمەن، جەكە دەرەكتەردىڭ قاۋىپسىزدىگىنە جانە قىزمەت قۇنىنىڭ جوعارى بولۋىنا الاڭداۋشىلىق ءبىلدىردى. ماسەلەن، بىلتىر ءبىر قۇرىلعىنى تىركەۋ قۇنى شامامەن 3 932 تەڭگەنى قۇراعان.
