Ulttyq statistika biýrosynyń málimetine sáikes, Qazaqstan halqynyń jalpy sany 20,5 millionnan asqan, dep habarlaidy Dalanews.kz.
Statistikaǵa súiensek, halyqtyń basym bóligin qazaqtar quraidy – 14,6 mln adam. Ekinshi orynda orystar – 2,9 mln. Odan keiingi iri etnostar qatarynda ózbekter (695 myń), ýkraindar (367 myń), uiǵyrlar (309 myń), nemister (222 myń), tatarlar (218 myń) bar.
Sondai-aq Qazaqstanda ázerbaijandar (157 myń), kárister (120 myń), túrikter (93 myń), dúngender (88 myń), belarýstar (73 myń), tájikter (61 myń), kúrdiler (52 myń) jáne qyrǵyzdar (41 myń) turady.
Óńirlik turǵydan alǵanda, qazaqtardyń eń kóp shoǵyrlanǵan aimaǵy – Túrkistan oblysy, munda olardyń sany 1,6 millionnan asady. Al orys ultynyń ókilderi negizinen Almaty qalasynda turady – shamamen 428 myń adam. Ózbekterdiń basym bóligi de Túrkistan oblysynda shoǵyrlanǵan, olardyń sany 400 myńnan asady.
Jalpy alǵanda, Qazaqstan – kópetnosty memleket. Resmi derekter elde 100-den astam ult pen ulys ókilderi ómir súretinin kórsetedi.
