Onyń ishinde 17 aýdan, qala boıynsha 6 qala, 3 kent, 46 aýyl okrýg, 3 aýyl, 6 ortalyq bazar men 51 eldimekende kezdesýler uıymdastyrylǵan. Jalpy Túrkistan oblysy boıynsha memlekettik baǵdarlamalar 7283 jas arasynda qamtylǵan.
Túsindirme jumystary jumyssyz jastardy jumyspen qamtý, kásipkerlik baǵdarlamalary men turǵyn úı jóninde aqparattarmen tanystyrý maqsatynda júrgizilgen. Nasıhat jumystary barysynda aýdan, qala jastaryna «Jastar praktıkasy», «Alǵashqy bos jumys orny», «Qoǵamdyq jumys», «Áleýmettik jumys orny», «Bastaý-Bıznes» jáne «Urpaqtar kelisim-sharty» jóninde málimetter berilgen.
Budan bólek, QR Eńbek jáne halyqty áleýmettik qorǵaý mınıstrliginiń Kásipkerlikti damytý jónindegi 2021-2025 jyldarǵa arnalǵan ulttyq joba sheńberinde iske asyrylatyn shaǵyn nesıe men 21 jastan 35 jasqa deıingi jas kásipkerlerdi qoldaýǵa baǵyttalǵan 2,5% nesıe jóninde de tolyqqandy maǵlumattar aıtylyp, jadynamalyq paraqshalar taratyldy.
Bıyl bul baǵdarlama aıasynda 594 jas 5 mln teńge kóleminde shaǵyn nesıe ala alady. Memlekettik baǵdarlamalar boıynsha kezdesýler men nasıhattaý jumystary jyldyń sońyna deıin jalǵaspaq.
