ونىڭ ىشىندە 17 اۋدان، قالا بويىنشا 6 قالا، 3 كەنت، 46 اۋىل وكرۋگ، 3 اۋىل، 6 ورتالىق بازار مەن 51 ەلدىمەكەندە كەزدەسۋلەر ۇيىمداستىرىلعان. جالپى تۇركىستان وبلىسى بويىنشا مەملەكەتتىك باعدارلامالار 7283 جاس اراسىندا قامتىلعان.
تۇسىندىرمە جۇمىستارى جۇمىسسىز جاستاردى جۇمىسپەن قامتۋ، كاسىپكەرلىك باعدارلامالارى مەن تۇرعىن ءۇي جونىندە اقپاراتتارمەن تانىستىرۋ ماقساتىندا جۇرگىزىلگەن. ناسيحات جۇمىستارى بارىسىندا اۋدان، قالا جاستارىنا «جاستار پراكتيكاسى»، «العاشقى بوس جۇمىس ورنى»، «قوعامدىق جۇمىس»، «الەۋمەتتىك جۇمىس ورنى»، «باستاۋ-بيزنەس» جانە «ۇرپاقتار كەلىسىم-شارتى» جونىندە مالىمەتتەر بەرىلگەن.
بۇدان بولەك، ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ كاسىپكەرلىكتى دامىتۋ جونىندەگى 2021-2025 جىلدارعا ارنالعان ۇلتتىق جوبا شەڭبەرىندە ىسكە اسىرىلاتىن شاعىن نەسيە مەن 21 جاستان 35 جاسقا دەيىنگى جاس كاسىپكەرلەردى قولداۋعا باعىتتالعان 2،5% نەسيە جونىندە دە تولىققاندى ماعلۇماتتار ايتىلىپ، جادىنامالىق پاراقشالار تاراتىلدى.
بيىل بۇل باعدارلاما اياسىندا 594 جاس 5 ملن تەڭگە كولەمىندە شاعىن نەسيە الا الادى. مەملەكەتتىك باعدارلامالار بويىنشا كەزدەسۋلەر مەن ناسيحاتتاۋ جۇمىستارى جىلدىڭ سوڭىنا دەيىن جالعاسپاق.
