سمارتفوندار بالالار مەن جاسٶسپٸرٸمدەردٸڭ كٷندەلٸكتٸ ٶمٸرٸنٸڭ بٸر بٶلٸگٸنە اينالدى. الايدا گادجەتتٸ شامادان تىس پايدالانۋ ولاردىڭ مٸنەز-قۇلقىنا, وقۋىنا, ۇيقىسىنا جەنە اينالاسىنداعى ادامدارمەن قارىم-قاتىناسىنا ەسەر ەتۋٸ مٷمكٸن, دەپ حابارلايدى dalanews.kz.
ماماندار بۇل مەسەلە ەسٸرەسە جاسٶسپٸرٸمدەر اراسىندا جيٸ كەزدەسەتٸنٸن ايتادى.
The Conversation باسىلىمىنىڭ مەلٸمەتٸنشە, جاسٶسپٸرٸمدەردٸڭ ميى ەلٸ تولىق قالىپتاسىپ بٸتپەيدٸ. ەسٸرەسە, ٶزٸن-ٶزٸ باقىلاۋعا, جوسپارلاۋعا جەنە ٶز ەرەكەتٸنٸڭ سالدارىن باعالاۋعا جاۋاپ بەرەتٸن مي بٶلٸكتەرٸ دامۋ كەزەڭٸندە بولادى.
سوندىقتان جاسٶسپٸرٸمدەر ەلەۋمەتتٸك جەلٸدەگٸ لايك, پٸكٸر, حابارلاما مەن باسقا دا جىلدام كەرٸ بايلانىستارعا ەرەسەكتەرگە قاراعاندا كٶبٸرەك مەن بەرۋٸ مٷمكٸن.
بالانىڭ گادجەتكە تەۋەلدٸ ەكەنٸن قالاي بايقاۋعا بولادى?
ماماندار بٸرنەشە بەلگٸگە نازار اۋدارۋعا كەڭەس بەرەدٸ. سونىڭ ٸشٸندە تەلەفونعا كەلگەن حابارلامالاردى ٷنەمٸ تەكسەرۋ, بوس ۋاقىتىن گادجەتسٸز ٶتكٸزە الماۋ جەنە جاقىندارىمەن بەتپە-بەت سٶيلەسۋگە قىزىعۋشىلىقتىڭ ازايۋى بار.
سونىمەن قاتار بالا ساباق پەن باسقا دا ماڭىزدى ٸستەردٸ كەيٸنگە قالدىرىپ, تەلەفونعا كٶبٸرەك ۋاقىت بٶلە باستاسا, بۇل دا الاڭداتاتىن بەلگٸ بولۋى مٷمكٸن.
تٷندە سمارتفوندى ۇزاق پايدالانۋ ۇيقى رەجيمٸنە دە ەسەر ەتەدٸ. سونىڭ سالدارىنان بالا كٷندٸز شارشاڭقى جٷرۋٸ ىقتيمال.
سمارتفونعا تەۋەلدٸلٸك قالاي قالىپتاسادى?
عالىمداردىڭ ايتۋىنشا, مۇندا كٷتپەگەن ماراپات الۋ مەحانيزمٸ ماڭىزدى رٶل اتقارادى. جاڭا حابارلاما, لايك نەمەسە ەسكەرتۋ كەلگەن سايىن ادام قىسقا ۋاقىتقا جاعىمدى ەموتسييا سەزٸنۋٸ مٷمكٸن.
Malim.kz باسىلىمىنىڭ جازۋىنشا, ۋاقىت ٶتە كەلە مي وسىنداي رەاكتسيياعا ٷيرەنٸپ, تەلەفوندى جيٸ تەكسەرۋ ەدەتكە اينالادى. كەيدە سمارتفون جاي عانا كٶز الدىندا تۇرعاننىڭ ٶزٸندە ونى قولعا الىپ, ەكرانىن تەكسەرۋگە دەگەن قۇلشىنىس پايدا بولۋى مٷمكٸن.
اتا-انالار نە ٸستەي الادى?
ماماندار ەڭ الدىمەن اتا-انالاردىڭ ٶز گادجەت قولدانۋ ەدەتٸنە نازار اۋدارۋ كەرەكتٸگٸن ايتادى.
وتباسى مٷشەلەرٸ بٸرگە وتىرعان كەزدە تەلەفوندى مٷمكٸندٸگٸنشە شەتكە قويۋ, سمارتفونداردى ٷنەمٸ قولجەتٸمدٸ جەردە ۇستاماۋ جەنە گادجەت قولدانۋعا قاتىستى ورتاق ەرەجە بەلگٸلەۋ پايدالى بولۋى مٷمكٸن.
مۇنداي تالاپ تەك بالاعا عانا ەمەس, بٷكٸل وتباسىعا ورتاق بولعانى دۇرىس.
ساراپشىلاردىڭ پٸكٸرٸنشە, اتا-انانىڭ جەكە ٷلگٸسٸ مەن ٷيدەگٸ تٷسٸنٸكتٸ ەرەجەلەر بالانىڭ گادجەتكە شامادان تىس ەۋەستەنۋٸنٸڭ الدىن الۋعا كٶمەكتەسەدٸ.
