Qazaqstanda qylmysqa tartylǵan jasóspirimder sany keıingi alty jylda eń joǵarǵy deńgeıge jetti. Muny Birinshi kredıttik búro sarapshylary eseptedi, dep habarlaıdy Dalanews.kz.
Bıyl ósimge negizinen buzaqylyq, qasaqana jeńil dene jaraqatyn salý, uryp-soǵý jáne tonaý baptary áser etken. Ásirese, buzaqylyq aıtarlyqtaı artqan. Máselen, toǵyz aıda 216 jasóspirim osy bappen jaýapqa tartylsa, byltyr dál osy kezeńde olardyń sany 94 ǵana bolǵan.
“Bıyl qylmystyq jaýapkershilikke kámeletke tolmaǵan 1703 jasóspirim tartyldy. Bul ótken jyldyń sáıkes kezeńimen salystyrǵanda 35%-ǵa kóp. Osylaısha, kórsetkish 2019 jyldan bergi eń joǵary deńgeıge jetti”, – delingen habarlamada.
Sonymen qatar jasóspirimder arasyndaǵy eń keń taraǵan qylmys – urlyq. Bıyl osy bap boıynsha 499 jasóspirim, negizinen 16–17 jastaǵylar, qylmystyq jaýapkershilikke tartylǵan.
