قازاقستاندا قىلمىسقا تارتىلعان جاسوسپىرىمدەر سانى كەيىنگى التى جىلدا ەڭ جوعارعى دەڭگەيگە جەتتى. مۇنى ءبىرىنشى كرەديتتىك بيۋرو ساراپشىلارى ەسەپتەدى، دەپ حابارلايدى Dalanews.kz.
بيىل وسىمگە نەگىزىنەن بۇزاقىلىق، قاساقانا جەڭىل دەنە جاراقاتىن سالۋ، ۇرىپ-سوعۋ جانە توناۋ باپتارى اسەر ەتكەن. اسىرەسە، بۇزاقىلىق ايتارلىقتاي ارتقان. ماسەلەن، توعىز ايدا 216 ءجاسوسپىرىم وسى باپپەن جاۋاپقا تارتىلسا، بىلتىر ءدال وسى كەزەڭدە ولاردىڭ سانى 94 عانا بولعان.
“بيىل قىلمىستىق جاۋاپكەرشىلىككە كامەلەتكە تولماعان 1703 ءجاسوسپىرىم تارتىلدى. بۇل وتكەن جىلدىڭ سايكەس كەزەڭىمەن سالىستىرعاندا 35%-عا كوپ. وسىلايشا، كورسەتكىش 2019 جىلدان بەرگى ەڭ جوعارى دەڭگەيگە جەتتى”، – دەلىنگەن حابارلامادا.
سونىمەن قاتار جاسوسپىرىمدەر اراسىنداعى ەڭ كەڭ تاراعان قىلمىس – ۇرلىق. بيىل وسى باپ بويىنشا 499 ءجاسوسپىرىم، نەگىزىنەن 16–17 جاستاعىلار، قىلمىستىق جاۋاپكەرشىلىككە تارتىلعان.
