Orta salmaqta WBO jáne IBF tujyrymdary boiynsha burynǵy álem chempiony Jánibek Álimhanuly doping-testen oń nátije bergeni týraly aqparat tarady. Bul týraly The Ring basylymynyń insaideri, DAZN jetekshi tilshisi Maik Koppindjer habarlady dep jazdy 1bol.kz portaly.
Jekpe-jekke jaýapty taraptardyń aitýynsha, Jánibek Álimhanulynyń Erislandi Laraǵa qarsy josparlanǵan aiqasy qazir úlken qaýip aldynda. Kýbalyq WBA chempionyna basqa qarsylas izdeý máselesi qarastyrylyp jatyr.
Ázirge resmi málimdeme jariialanǵan joq. Rastalǵan aqparat jaqyn kúnderi jariialanýy múmkin.
Al Jánibek Álimhanuly komandasy bul aqparatty estigenin jazdy. Qaita test tapsyrýǵa ótinish bergenderin málimdedi.
Aita ketsek, budan buryn qazaqstandyq bylǵary qolǵap sheberi Jánibek Álimhanuly orta salmaqtaǵy WBO, IBF jáne WBA belbeýleri úshin birikken titýldyq jekpe-jek aldynda doping synamasyn tapsyrdy.
Otandasymyz búginge deiin WBO, IBF tujyrymdary boiynsha orta salmaqtaǵy álem chempiony ataǵyna ie bolǵan.
Bul jekpe-jek AQSh-tyń Tehas shtatynda ornalasqan San-Antonio qalasynda ótedi dep josparlanǵan.
