ورتا سالماقتا WBO جانە IBF تۇجىرىمدارى بويىنشا بۇرىنعى الەم چەمپيونى جانىبەك ءالىمحان ۇلى دوپينگ-تەستەن وڭ ناتيجە بەرگەنى تۋرالى اقپارات تارادى. بۇل تۋرالى The Ring باسىلىمىنىڭ ينسايدەرى، DAZN جەتەكشى ءتىلشىسى مايك كوپپيندجەر حابارلادى دەپ جازدى 1bol.kz پورتالى.
جەكپە-جەككە جاۋاپتى تاراپتاردىڭ ايتۋىنشا، جانىبەك ءالىمحان ۇلىنىڭ ەريسلاندي لاراعا قارسى جوسپارلانعان ايقاسى ءقازىر ۇلكەن ءقاۋىپ الدىندا. كۋبالىق WBA چەمپيونىنا باسقا قارسىلاس ىزدەۋ ماسەلەسى قاراستىرىلىپ جاتىر.
ازىرگە رەسمي مالىمدەمە جاريالانعان جوق. راستالعان اقپارات جاقىن كۇندەرى جاريالانۋى مۇمكىن.
ال جانىبەك ءالىمحان ۇلى كومانداسى بۇل اقپاراتتى ەستىگەنىن جازدى. قايتا تەست تاپسىرۋعا ءوتىنىش بەرگەندەرىن مالىمدەدى.
ايتا كەتسەك، بۇدان بۇرىن قازاقستاندىق بىلعارى قولعاپ شەبەرى جانىبەك ءالىمحان ۇلى ورتا سالماقتاعى WBO، IBF جانە WBA بەلبەۋلەرى ءۇشىن بىرىككەن تيتۋلدىق جەكپە-جەك الدىندا دوپينگ سىناماسىن تاپسىردى.
وتانداسىمىز بۇگىنگە دەيىن WBO، IBF تۇجىرىمدارى بويىنشا ورتا سالماقتاعى الەم چەمپيونى اتاعىنا يە بولعان.
بۇل جەكپە-جەك اقش-تىڭ تەحاس شتاتىندا ورنالاسقان سان-انتونيو قالاسىندا وتەدى دەپ جوسپارلانعان.
