Jambyl oblysynda UQKD qyzmetkerleri Baizaq aýdandyq politsiia bóliminiń aǵa jedel ýákili, maior Jasulan Elýbaidy ustady, dep habarlaidy Dalanews.kz.
Oǵan mal urlyǵy jónindegi qylmystyq isti toqtatyp beremin dep 700 myń teńge alǵan degen kúdik keltirilip otyr.
HALYQSTAN Telegram-arnasy taratqan derekke qaraǵanda, sóz Talas aýdanynyń turǵynyna qatysty esekterdi urlaý isi týraly bolyp otyr. Jábirlenýshi janýarlardyń Baizaq aýdanynda urlanǵanyn málimdegen.
Alǵashynda qylmystyq isti toqtatý úshin 1,5 mln teńge suralǵany, biraq keiin taraptar 700 myń teńgege keliskeni habarlandy. Politseidi aqshany alý kezinde ustap, qolǵa túsirgen.
Eske salaiyq, biyl aqpanda Jambyl oblysynda Baizaq aýdandyq politsiia bóliminiń bastyǵynyń orynbasary da ustalǵan edi. Oǵan 10,7 mln teńgeni urlaý deregin ádeii jasyryp qaldy degen aiyp taǵylǵan.
