جامبىل وبلىسىندا ۇقكد قىزمەتكەرلەرٸ بايزاق اۋداندىق پوليتسييا بٶلٸمٸنٸڭ اعا جەدەل ۋەكٸلٸ, مايور جاسۇلان ەلۋبايدى ۇستادى, دەپ حابارلايدى Dalanews.kz.
وعان مال ۇرلىعى جٶنٸندەگٸ قىلمىستىق ٸستٸ توقتاتىپ بەرەمٸن دەپ 700 مىڭ تەڭگە العان دەگەن كٷدٸك كەلتٸرٸلٸپ وتىر.
HALYQSTAN Telegram-ارناسى تاراتقان دەرەككە قاراعاندا, سٶز تالاس اۋدانىنىڭ تۇرعىنىنا قاتىستى ەسەكتەردٸ ۇرلاۋ ٸسٸ تۋرالى بولىپ وتىر. جەبٸرلەنۋشٸ جانۋارلاردىڭ بايزاق اۋدانىندا ۇرلانعانىن مەلٸمدەگەن.
العاشىندا قىلمىستىق ٸستٸ توقتاتۋ ٷشٸن 1,5 ملن تەڭگە سۇرالعانى, بٸراق كەيٸن تاراپتار 700 مىڭ تەڭگەگە كەلٸسكەنٸ حابارلاندى. پوليتسەيدٸ اقشانى الۋ كەزٸندە ۇستاپ, قولعا تٷسٸرگەن.
ەسكە سالايىق, بيىل اقپاندا جامبىل وبلىسىندا بايزاق اۋداندىق پوليتسييا بٶلٸمٸنٸڭ باستىعىنىڭ ورىنباسارى دا ۇستالعان ەدٸ. وعان 10,7 ملن تەڭگەنٸ ۇرلاۋ دەرەگٸن ەدەيٸ جاسىرىپ قالدى دەگەن ايىپ تاعىلعان.
