«Qaztsink» zaýytyndaǵy jarylys pen órtke qatysty is boiynsha ázirge eshkim ustalǵan joq, dep habarlaidy dalanews.kz.
IIM vitse-ministri Sanjar Ádilov Májilis kýlýarynda tergeý jalǵasyp jatqanyn aitty.
«Áli eshkim ustalǵan joq», - dedi vitse-ministr.
Qylmystyq is Qylmystyq kodekstiń 156-baby 4-bóligi boiynsha, iaǵni «eńbekti qorǵaý erejelerin buzý saldarynan eki jáne odan da kóp adamnyń qaza tabýy» faktisimen qozǵalǵan.
Eske salaiyq, 5 mamyr kúni Óskemendegi «Qaztsink» aýmaǵynda iri órt shyqqan bolatyn. Keiin órt tolyq sóndirilip, oqiǵa ornynda izdestirý jumystary jalǵasty. Premer-ministr Oljas Bektenov jaǵdaidy jeke baqylaýyna alǵan.
Keiin kásiporyn órt saldarynan eki adamnyń qaza tapqanyn jáne bes adamnyń zardap shekkenin rastady. TJM órttiń aýmaǵyn naqtylap, dárigerler zardap shekkenderdiń jaǵdaiy týraly málimet bergen.
Sonymen qatar Shyǵys Qazaqstan oblysynyń ekologiia departamenti zaýyttaǵy jarylystan keiin aýa sapasyna tekserý júrgizip jatqany belgili boldy.
Politsiia departamenti eki jumysshynyń qaza bolýyna bailanysty qylmystyq is qozǵalǵanyn habarlady. Budan bólek, oqiǵany tergeý úshin arnaiy vedomstvoaralyq komissiia qurylmaq.
Sanitarlyq-epidemiologiialyq qyzmeti «Qaztsink» mańyndaǵy aýa quramyn teksergen.
