Týrizm salasyndaǵy qarym qatynasty nyǵaitý maqsatynda jyl saiyn Germaniianyń astanasy Berlinde álemdegi eń iri ITB Berlin týristik kórmesi ótedi. Dástúrli shara biyl 4-6 naýryz aralyǵyna uiymdastyrylǵan,- dep habarlaidy Dalanews.kz
Halyqaralyq kórmege Mańǵystaý oblysynyń ákimi Nurdáýlet Qilybaidyń tapsyrmasymen óńir basshysynyń orynbasary Abbat Órisbaev bastaǵan Rixos Water world Aktau, Holiday Inn Aktau, Caspian Riviera qonaq úileri, «Visit Aktau», «Kettik Go», Mangystau safari týroperatorlary qatysty. Olar arnaiy stendte Mańǵystaýdyń týristik áleýeti jaily aqparattar usyndy.
Mańǵystaý oblysy ákiminiń orynbasary Abbat Órisbaevtyń aitýynsha, nemis halqynyń jáne ár elden kelgen qonaqtar men tájiribeli sarapshylardyń jáne týristik biznes ókilderiniń Qazaqstannyń tarihyna qyzyǵýshylyǵy joǵary. Onyń ishinde Mańǵystaýdyń týrizmine qyzyǵýshylyq tanytyp, málimet almasyp jatqandary kóp.
Halyqaralyq jármeńke barysynda Mańǵystaýdyń “Visit Aktau LTD” týristik kompaniiasy men Túriktiń “Pegas Touristik” týristik kompaniiasy arasynda týrizm salasyndaǵy yntymaqtastyq týraly memorandýmǵa qol qoiyldy.
Kórmeniń saltanatty ashylý rásimine Dúniejúzilik týristik uiymnyń (UNWTO) Bas hatshysy, Dúniejúzilik saiahat jáne týrizm keńesiniń tóraǵasy, Berlin meri jáne Messe Berlin bas direktory qatysty. Qurmetti qonaqtar elimizdiń stendtine arnaiy kelip, ulttyq taǵamdarymyzdan dám tatty. Sondai-aq elimizdiń qonaqjailyǵy men bai mádenietin joǵary baǵalady.
Abbat Órisbaev Mańǵystaý oblysy ákiminiń atynynan Dúniejúzilik týristik uiymnyń (UNWTO) Bas hatshysy Djýliia Simpsondy, Berlin meri Kai Vegnerdi jáne BUU Týrizm (Dúniejúzilik týristik uiym) Bas hatshysy Zýrab Pololikashvilidi Mańǵystaýǵa shaqyrdy.
Aita keteiik, ITB Berlin halyqaralyq týristik kórmesine jyl saiyn 180 elden 10 000-nan astam adam qatysady. Kórmeni 160 000 adam tamashalaidy, sonyń ishinde 113 500 adam týristik sala mamandary. Berlindegi dástúrli kórmege qatysý Qazaqstannyń halyqaralyq bailanysyn nyǵaitýǵa, jańa kelissózder jasaýǵa jáne eldiń týristik áleýetin álemdik naryqtaǵy tanymaldylyǵyn arttyrýǵa múmkindik beredi.
