تۋريزم سالاسىنداعى قارىم قاتىناستى نىعايتۋ ماقساتىندا جىل سايىن گەرمانيانىڭ استاناسى بەرليندە الەمدەگى ەڭ ءىرى ITB Berlin تۋريستىك كورمەسى وتەدى. ءداستۇرلى شارا بيىل 4-6 ناۋرىز ارالىعىنا ۇيىمداستىرىلعان،- دەپ حابارلايدى Dalanews.kz
حالىقارالىق كورمەگە ماڭعىستاۋ وبلىسىنىڭ اكىمى نۇرداۋلەت قيلىبايدىڭ تاپسىرماسىمەن ءوڭىر باسشىسىنىڭ ورىنباسارى اببات ورىسبايەۆ باستاعان Rixos Water world Aktau، Holiday Inn Aktau، Caspian Riviera قوناق ۇيلەرى، «Visit Aktau»، «Kettik Gو»، Mangystau safari تۋروپەراتورلارى قاتىستى. ولار ارنايى ستەندتە ماڭعىستاۋدىڭ تۋريستىك الەۋەتى جايلى اقپاراتتار ۇسىندى.
ماڭعىستاۋ وبلىسى اكىمىنىڭ ورىنباسارى اببات ورىسبايەۆتىڭ ايتۋىنشا، نەمىس حالقىنىڭ جانە ءار ەلدەن كەلگەن قوناقتار مەن تاجىريبەلى ساراپشىلاردىڭ جانە تۋريستىك بيزنەس وكىلدەرىنىڭ قازاقستاننىڭ تاريحىنا قىزىعۋشىلىعى جوعارى. ونىڭ ىشىندە ماڭعىستاۋدىڭ تۋريزمىنە قىزىعۋشىلىق تانىتىپ، مالىمەت الماسىپ جاتقاندارى كوپ.
حالىقارالىق جارمەڭكە بارىسىندا ماڭعىستاۋدىڭ “Visit Aktau LTD” تۋريستىك كومپانياسى مەن تۇرىكتىڭ “Pegas Touristik” تۋريستىك كومپانياسى اراسىندا تۋريزم سالاسىنداعى ىنتىماقتاستىق تۋرالى مەموراندۋمعا قول قويىلدى.
كورمەنىڭ سالتاناتتى اشىلۋ راسىمىنە دۇنيەجۇزىلىك تۋريستىك ۇيىمنىڭ (UNWTO) باس حاتشىسى، دۇنيەجۇزىلىك ساياحات جانە تۋريزم كەڭەسىنىڭ ءتوراعاسى، بەرلين مەرى جانە Messe Berlin باس ديرەكتورى قاتىستى. قۇرمەتتى قوناقتار ەلىمىزدىڭ ستەندتىنە ارنايى كەلىپ، ۇلتتىق تاعامدارىمىزدان ءدام تاتتى. سونداي-اق ەلىمىزدىڭ قوناقجايلىعى مەن باي مادەنيەتىن جوعارى باعالادى.
اببات ورىسبايەۆ ماڭعىستاۋ وبلىسى اكىمىنىڭ اتىنىنان دۇنيەجۇزىلىك تۋريستىك ۇيىمنىڭ (UNWTO) باس حاتشىسى دجۋليا سيمپسوندى، بەرلين مەرى كاي ۆەگنەردى جانە بۇۇ تۋريزم (دۇنيەجۇزىلىك تۋريستىك ۇيىم) باس حاتشىسى زۋراب پولوليكاشۆيليدى ماڭعىستاۋعا شاقىردى.
ايتا كەتەيىك، ITB Berlin حالىقارالىق تۋريستىك كورمەسىنە جىل سايىن 180 ەلدەن 10 000-نان استام ادام قاتىسادى. كورمەنى 160 000 ادام تاماشالايدى، سونىڭ ىشىندە 113 500 ادام تۋريستىك سالا ماماندارى. بەرليندەگى ءداستۇرلى كورمەگە قاتىسۋ قازاقستاننىڭ حالىقارالىق بايلانىسىن نىعايتۋعا، جاڭا كەلىسسوزدەر جاساۋعا جانە ەلدىڭ تۋريستىك الەۋەتىن الەمدىك نارىقتاعى تانىمالدىلىعىن ارتتىرۋعا مۇمكىندىك بەرەدى.
