Ataq alyp, jurttan sóz estigen tanymal akter Erkebulan Toqtar synǵa jaýap berdi, dep habarlaidy Dalanews.kz.
Buǵan deiin akter, erejesiz jekpe-jek sheberi Erkebulan Toqtar Qazaqstannyń eńbek sińirgen qairatkeri atandy.
"Qazaqstan Respýblikasy Prezidentiniń 2025 jylǵy 21 qazandaǵy jarlyǵymen "Qazaqstannyń eńbek sińirgen qairatkeri" qurmetti ataǵy berildi", - dep jazdy ózi áleýmettik jelide buǵan deiin.
Bul týrasynda jeli qoldanýshylarynyń pikiri qaq jaryldy, biri laiyq ekenin aitsa, endi biri bul marapat artyq ekenin jetkizdi: "Sál erteleý berip qoidy ma dep oilap qoiamyn. Endi bosańsyp ketpei, odan da úlken belesterdi baǵyndyrýyńa tilektespin!", "Laiyqty emessiń, bylai promoýshendardy utyp júrsiń", "Eńbek sińirgen joq bul, ózi aityp edi ǵoi elde sharýam joq, men óz jumysymmen júremin dep".
"Marapatty suraǵan joqpyn. Kelip-ketip jatqan paidasy joq. Memleketten jeńildik, aqsha almaimyn. "Úkimetten aqsha alady" dep oilaidy. Bir tiyn almaimyn, keregi de joq. Marapat berildi, aldym. Qýanyshty boldym, óte úlken marapat. Laiyqpyn pa, laiyq emespin be, ol jaǵyn bergen adam sheshedi", - dedi akter Erkebulan Toqtar Aman Tasyǵanǵa bergen suhbatynda.
