اتاق الىپ, جۇرتتان سٶز ەستٸگەن تانىمال اكتەر ەركەبۇلان توقتار سىنعا جاۋاپ بەردٸ, دەپ حابارلايدى Dalanews.kz.
بۇعان دەيٸن اكتەر, ەرەجەسٸز جەكپە-جەك شەبەرٸ ەركەبۇلان توقتار قازاقستاننىڭ ەڭبەك سٸڭٸرگەن قايراتكەرٸ اتاندى.
"قازاقستان رەسپۋبليكاسى پرەزيدەنتٸنٸڭ 2025 جىلعى 21 قازانداعى جارلىعىمەن "قازاقستاننىڭ ەڭبەك سٸڭٸرگەن قايراتكەرٸ" قۇرمەتتٸ اتاعى بەرٸلدٸ", - دەپ جازدى ٶزٸ ەلەۋمەتتٸك جەلٸدە بۇعان دەيٸن.
بۇل تۋراسىندا جەلٸ قولدانۋشىلارىنىڭ پٸكٸرٸ قاق جارىلدى, بٸرٸ لايىق ەكەنٸن ايتسا, ەندٸ بٸرٸ بۇل ماراپات ارتىق ەكەنٸن جەتكٸزدٸ: "سەل ەرتەلەۋ بەرٸپ قويدى ما دەپ ويلاپ قويامىن. ەندٸ بوساڭسىپ كەتپەي, ودان دا ٷلكەن بەلەستەردٸ باعىندىرۋىڭا تٸلەكتەسپٸن!", "لايىقتى ەمەسسٸڭ, بىلاي پروموۋشەنداردى ۇتىپ جٷرسٸڭ", "ەڭبەك سٸڭٸرگەن جوق بۇل, ٶزٸ ايتىپ ەدٸ عوي ەلدە شارۋام جوق, مەن ٶز جۇمىسىممەن جٷرەمٸن دەپ".
"ماراپاتتى سۇراعان جوقپىن. كەلٸپ-كەتٸپ جاتقان پايداسى جوق. مەملەكەتتەن جەڭٸلدٸك, اقشا المايمىن. "ٷكٸمەتتەن اقشا الادى" دەپ ويلايدى. بٸر تيىن المايمىن, كەرەگٸ دە جوق. ماراپات بەرٸلدٸ, الدىم. قۋانىشتى بولدىم, ٶتە ٷلكەن ماراپات. لايىقپىن پا, لايىق ەمەسپٸن بە, ول جاعىن بەرگەن ادام شەشەدٸ", - دەدٸ اكتەر ەركەبۇلان توقتار امان تاسىعانعا بەرگەن سۇحباتىندا.
