Ýkraina prezidenti Qazaqstan, Ózbekstan jáne Qyrǵyzstan jýrnalisterine kólemdi suhbat berdi. Suhbat barysynda qazaqstandyq jýrnalist, Orda.kz saitynyń negizin qalaýshy jáne bas redaktory Gúlnar Bajkenova Zelenskiige suraq qoiyp, Kedendik odaq, Eýroodaq jáne UQShU-ǵa múshe elderge degen kózqarasyn surady, - dep habarlaidy Dalanews.kz.
"Bizben birge soǵysta júrmegen elder bizdiń jaýymyz dep sanamaimyn. Bizben dostyq qarym-qatynasta bolǵandaryńyzdy qalaimyn. Bizdiń elder dos dep sanaimyn. Men elderdiń Ýkrainaǵa degen saiasi kózqarasy da dostyq qatynasta bolǵanyn qalaimyn. Eger bireý dos bolýdy qalamasa kelisimge kelýge bolady. Beibit, ádil ómir súrip,qundylyqtardy qurmettep ómir súrý kerek. Demokratiiany, táýelsizdikti, tilderińizdi, mádenietterińizdi qurmetteý kerek. Sizderdiń elderińizde bolyp, mádenietterińizben, adamdaryńyzben tanysqym keledi.
Biz sizderdiń elderińizde turatyn qarapaiym adamdardan qaiyrymdylyq maqsattaǵy kómekti óte kóp aldyq! Jai ǵana adamdarǵa kómek. Tarihi turǵyda da ortaq dúnieler kóp. Biraq... Tarih týraly sóz qozǵaǵan kezde bizdi ajyratatyn nárse emes, bailanystyratyn nárseni izdeimin. Sondyqtan, shyny kerek, pozitiv nárselerdi kóremin", - deidi Zelenskii.
Sonymen qatar, Ýkraina prezidenti eshbir el Pýtinmen strategiialyq odaqtas bola almaitynyn aitady.
"Bárińizge 100 paiyz soqqy jasalady.Qazir UQShU, erteń basqasy - munyń bári elderge yqpal etýge múmkindik beredi. Sizderdiń elderińiz qazirgi tańda Kremldegi jáne Reseidegi saiasatqa áser ete almaidy. Resei sizderdiń elderińizge qaraǵanda ekonomikalyq turǵyda da, áskeri turǵyda da úlken. Osylaisha sizderdiń táýelsizdikterińizdi shekteýge úlken múmkindik týady. Sondyqtan Reseimen el kóshbasshylary balans saqtaý úshin bailanysta bolady. Olar qorqady. Olar Pýtinnen qorqady", - deidi Zelenskii.
Zelenskii Pýtinniń adam ómirine, olardyń qai tilde sóileitinine túkirgeni baryn aitady.
