ۋكراينا پرەزيدەنتى قازاقستان، وزبەكستان جانە قىرعىزستان جۋرناليستەرىنە كولەمدى سۇحبات بەردى. سۇحبات بارىسىندا قازاقستاندىق جۋرناليست، Orda.kz سايتىنىڭ نەگىزىن قالاۋشى جانە باس رەداكتورى گۇلنار باجكەنوۆا زەلەنسكييگە سۇراق قويىپ، كەدەندىك وداق، ەۋرووداق جانە ۇقشۇ-عا مۇشە ەلدەرگە دەگەن كوزقاراسىن سۇرادى، - دەپ حابارلايدى Dalanews.kz.

"بىزبەن بىرگە سوعىستا جۇرمەگەن ەلدەر ءبىزدىڭ جاۋىمىز دەپ سانامايمىن. بىزبەن دوستىق قارىم-قاتىناستا بولعاندارىڭىزدى قالايمىن. ءبىزدىڭ ەلدەر دوس دەپ سانايمىن. مەن ەلدەردىڭ ۋكرايناعا دەگەن ساياسي كوزقاراسى دا دوستىق قاتىناستا بولعانىن قالايمىن. ەگەر بىرەۋ دوس بولۋدى قالاماسا كەلىسىمگە كەلۋگە بولادى. بەيبىت، ءادىل ءومىر ءسۇرىپ،قۇندىلىقتاردى قۇرمەتتەپ ءومىر ءسۇرۋ كەرەك. دەموكراتيانى، تاۋەلسىزدىكتى، تىلدەرىڭىزدى، مادەنيەتتەرىڭىزدى قۇرمەتتەۋ كەرەك. سىزدەردىڭ ەلدەرىڭىزدە بولىپ، مادەنيەتتەرىڭىزبەن، ادامدارىڭىزبەن تانىسقىم كەلەدى.    

ءبىز سىزدەردىڭ ەلدەرىڭىزدە تۇراتىن قاراپايىم ادامداردان قايىرىمدىلىق ماقساتتاعى كومەكتى وتە كوپ الدىق! جاي عانا ادامدارعا كومەك. تاريحي تۇرعىدا دا ورتاق دۇنيەلەر كوپ. ءبىراق... تاريح تۋرالى ءسوز قوزعاعان كەزدە ءبىزدى اجىراتاتىن نارسە ەمەس، بايلانىستىراتىن نارسەنى ىزدەيمىن. سوندىقتان، شىنى كەرەك، پوزيتيۆ نارسەلەردى كورەمىن"، - دەيدى زەلەنسكيي. 

سونىمەن قاتار، ۋكراينا پرەزيدەنتى ەشبىر ەل پۋتينمەن ستراتەگيالىق وداقتاس بولا المايتىنىن ايتادى. 

"بارىڭىزگە 100 پايىز سوققى جاسالادى.ءقازىر ۇقشۇ، ەرتەڭ باسقاسى - مۇنىڭ ءبارى ەلدەرگە ىقپال ەتۋگە مۇمكىندىك بەرەدى. سىزدەردىڭ ەلدەرىڭىز قازىرگى تاڭدا كرەملدەگى جانە رەسەيدەگى ساياساتقا اسەر ەتە المايدى. رەسەي سىزدەردىڭ ەلدەرىڭىزگە قاراعاندا ەكونوميكالىق تۇرعىدا دا، اسكەري تۇرعىدا دا ۇلكەن. وسىلايشا سىزدەردىڭ تاۋەلسىزدىكتەرىڭىزدى شەكتەۋگە ۇلكەن مۇمكىندىك تۋادى. سوندىقتان رەسەيمەن ەل كوشباسشىلارى بالانس ساقتاۋ ءۇشىن بايلانىستا بولادى. ولار قورقادى. ولار پۋتيننەن قورقادى"، - دەيدى زەلەنسكيي. 

زەلەنسكيي ءپۋتيننىڭ ادام ومىرىنە، ولاردىڭ قاي تىلدە سويلەيتىنىنە تۇكىرگەنى بارىن ايتادى.