Erulan Jamaýbaev "Samuryq-Qazyna" UÁQ Dırektorlar keńesi músheliginen alastatyldy. Bul týraly málimet KASE-de 2025 jyldyń 27 aqpanynda paıda boldy, dep jazady Dalanews.kz.
Jamaýbaev - Qazaqstan prezıdentiniń burynǵy keńesshisi, al taıaýda ol QR Ulttyq Banki tóraǵasynyń birinshi orynbasary bolyp taǵaıyndaldy. 17 aqpandaǵy sol taǵaıyndaýdan soń ol "Samuryq-Qazyna" UÁQ dırektorlary keńesiniń quramynan shyǵarylǵan.
Jamaýbaev 2024 jylǵy shildeden bastap munda múshelikte bolǵan.
Osylaısha qazir qordyń dırektorlar keńesi quramynda alty adam qaldy: QR premer-mınıstri Oljas Bektenov, "Qazaqstan halqyna" qorynyń burynǵy basshysy Bolat Jámishev, "Samuryq-Qazyna" UÁQ basqarmasynyń tóraǵasy Nurlan Jaqypov jáne beırezıdentter Lýka Sýtera, Vong Hen Faın, Muhammed Jamıl Ál Ramahı.
Jamaýbaev qyzmetiniń ár kezeńinde vıse-premer — qarjy mınıstri, Prezıdenttiń kómekshisi, Turǵyn úı qurylys jınaq bankiniń basqarýshy dırektory (qazirgi Otbasy banki) jáne t. b. laýazymdardy atqarǵan.
Buǵan deıin Farhat Sársekeevtiń "Damý" kásipkerlikti damytý qory" AQ tóraǵasy bolyp taǵaıyndalǵanyn, ol alty jyl osy laýazymda bolǵan Gaýhar Býrıbaevanyń ornyn basqanyn jazǵan bolatynbyz.
