ەرۇلان جاماۋبايەۆ "سامۇرىق-قازىنا" ءۇاق ديرەكتورلار كەڭەسى مۇشەلىگىنەن الاستاتىلدى. بۇل تۋرالى مالىمەت KASE-دە 2025 جىلدىڭ 27 اقپانىندا پايدا بولدى، دەپ جازادى Dalanews.kz.
جاماۋبايەۆ - قازاقستان پرەزيدەنتىنىڭ بۇرىنعى كەڭەسشىسى، ال تاياۋدا ول ق ر ۇلتتىق بانكى ءتوراعاسىنىڭ ءبىرىنشى ورىنباسارى بولىپ تاعايىندالدى. 17 اقپانداعى سول تاعايىنداۋدان سوڭ ول "سامۇرىق-قازىنا" ءۇاق ديرەكتورلارى كەڭەسىنىڭ قۇرامىنان شىعارىلعان.
جاماۋبايەۆ 2024 جىلعى شىلدەدەن باستاپ مۇندا مۇشەلىكتە بولعان.
وسىلايشا ءقازىر قوردىڭ ديرەكتورلار كەڭەسى قۇرامىندا التى ادام قالدى: ق ر پرەمەر-ءمينيسترى ولجاس بەكتەنوۆ، "قازاقستان حالقىنا" قورىنىڭ بۇرىنعى باسشىسى بولات جامىشيەۆ، "سامۇرىق-قازىنا" ءۇاق باسقارماسىنىڭ ءتوراعاسى نۇرلان جاقىپوۆ جانە بەيرەزيدەنتتەر لۋكا سۋتەرا، ۆونگ حەن فاين، مۇحاممەد جاميل ءال راماحي.
جاماۋبايەۆ قىزمەتىنىڭ ءار كەزەڭىندە ۆيسە-پرەمەر — قارجى ءمينيسترى، پرەزيدەنتتىڭ كومەكشىسى، تۇرعىن ءۇي قۇرىلىس جيناق بانكىنىڭ باسقارۋشى ديرەكتورى (قازىرگى وتباسى بانكى) جانە ت. ب. لاۋازىمداردى اتقارعان.
بۇعان دەيىن فارحات سارسەكەيەۆتىڭ "دامۋ" كاسىپكەرلىكتى دامىتۋ قورى" اق ءتوراعاسى بولىپ تاعايىندالعانىن، ول التى جىل وسى لاۋازىمدا بولعان گاۋھار بۋريبايەۆانىڭ ورنىن باسقانىن جازعان بولاتىنبىز.
