Ulttyq ıadrolyq ortalyqtyń bas dırektory Erlan Batyrbekov referendýmda tańdaýyn jasady, - dep habarlaıdy Dalanews.kz.
"Búgin AES qurylysyna qatysty referendýmda óz daýysymdy berip, Qazaqstannyń energetıkalyq jáne ekonomıkalyq turaqtylyǵyna senim arttym. Bul kún árbir qazaqstandyq úshin óte mańyzdy, sebebi bizge elimizdiń kelesi ondaǵan jyldar boıy qalaı damıtynyn ózimiz sheshý múmkindigi berildi.
Jyl boıy, ásirese sońǵy aılarda, elimizdiń ǵalymdary men mamandary halyqpen belsendi túrde jumys istep, qoǵamdy tolǵandyrǵan suraqtarǵa jaýap berdi. Bul jumysta mańyzdy ról atqarǵan Ulttyq ıadrolyq ortalyqtyń komandasyna jáne osy mańyzdy mısıaǵa qatysqan barlyq adamdarǵa alǵys bildiremin.
Referendýmǵa shyǵarylǵan máseleniń mańyzdylyǵyn eskere otyryp, barlyq qazaqstandyqtardy óz azamattyq belsendiligin kórsetip, saılaý ýchaskesine kelip, óz tańdaýyn jasaýǵa shaqyramyn", - dedi ol.
