ۇلتتىق يادرولىق ورتالىقتىڭ باس ديرەكتورى ەرلان باتىربەكوۆ رەفەرەندۋمدا تاڭداۋىن جاسادى, - دەپ حابارلايدى Dalanews.kz.
"بٷگٸن اەس قۇرىلىسىنا قاتىستى رەفەرەندۋمدا ٶز داۋىسىمدى بەرٸپ, قازاقستاننىڭ ەنەرگەتيكالىق جەنە ەكونوميكالىق تۇراقتىلىعىنا سەنٸم ارتتىم. بۇل كٷن ەربٸر قازاقستاندىق ٷشٸن ٶتە ماڭىزدى, سەبەبٸ بٸزگە ەلٸمٸزدٸڭ كەلەسٸ ونداعان جىلدار بويى قالاي داميتىنىن ٶزٸمٸز شەشۋ مٷمكٸندٸگٸ بەرٸلدٸ.
جىل بويى, ەسٸرەسە سوڭعى ايلاردا, ەلٸمٸزدٸڭ عالىمدارى مەن ماماندارى حالىقپەن بەلسەندٸ تٷردە جۇمىس ٸستەپ, قوعامدى تولعاندىرعان سۇراقتارعا جاۋاپ بەردٸ. بۇل جۇمىستا ماڭىزدى رٶل اتقارعان ۇلتتىق يادرولىق ورتالىقتىڭ كومانداسىنا جەنە وسى ماڭىزدى ميسسيياعا قاتىسقان بارلىق ادامدارعا العىس بٸلدٸرەمٸن.
رەفەرەندۋمعا شىعارىلعان مەسەلەنٸڭ ماڭىزدىلىعىن ەسكەرە وتىرىپ, بارلىق قازاقستاندىقتاردى ٶز ازاماتتىق بەلسەندٸلٸگٸن كٶرسەتٸپ, سايلاۋ ۋچاسكەسٸنە كەلٸپ, ٶز تاڭداۋىن جاساۋعا شاقىرامىن", - دەدٸ ول.
