Eýropalyq Qaita qurý jáne damý banki (EQDB) 2025 jyly Qazaqstannyń JIÓ ósimi 5,2% -dy, al 2026 jyly 4,5% -dy quraidy dep bajailap, bul kórsetkishti aldyndaǵy boljamdarynan da tómendetti. Bul týraly banktiń óńirler ekonomikasyna (Regional Economic Prospects) qatysty jańartylǵan sholýynda aitylady, dep jazady Dalanews.kz.
Ótken jyldyń qyrkúieginde EQDB Qazaqstan ekonomikasynyń 2025 jyldaǵy ósimi 5,5% deńgeiinde qalyptasady dep boljaǵan.
"JIÓ ósimi 2025 jyly 5,2%-ǵa deiin jedeldeidi dep boljanýda, oǵan Teńiz munai ken ornynyń josparǵa sai keńeiýi yqpal etedi, al sodan keiin 2026 jyly, bul kórsetkish kerisinshe 4,5%-ǵa deiin baiaýlaidy", delingen EQDB sholýynda.
Sonymen qatar, bank sarapshylary 2024 jyly Qazaqstannyń JIÓ ósimi boiynsha baǵamdy 4%-dan 4,5%-ǵa deiin kóterdi. QR Úkimet basshysy Oljas Bektenov málim etkendei, 2024 jyly Qazaqstannyń JIÓ ósimi 4,8%-dy qurady. Úkimettiń boljamy boiynsha, 2025 jyly Qazaqstannyń JIÓ ósimi 5,6%-dy, al aldaǵy 5 jyldaǵy ortasha jyldyq ósimi 5,4%-dy qurap qalady.
Dúniejúzilik bank (DB) Qazaqstannyń JIÓ-niń kórsetkishi 2025 jyly 4,7%-ǵa, 2026 jyly 3,5%-ǵa ósedi dep boljap otyr.
Aita ketsek,buǵan deiin qosymsha qun salyǵy mólsherlemesin 12%-dan 16%-ǵa deiin kóterý jáne ol boiynsha salyqtyq tirkeý shegin 15 mln teńgege deiin tómendetý Qazaqstannyń JIÓ ósimin 42 bazistik tarmaqqa baiaýlaýyna ákelip soǵýy múmkin ekenin Ulttyq ekonomika vitse-ministri Azamat Ámrin boljaǵan edi.
