ەۋروپالىق قايتا قۇرۋ جەنە دامۋ بانكٸ (ەقدب) 2025 جىلى قازاقستاننىڭ جٸٶ ٶسٸمٸ 5,2% -دى, ال 2026 جىلى 4,5% -دى قۇرايدى دەپ باجايلاپ, بۇل كٶرسەتكٸشتٸ الدىنداعى بولجامدارىنان دا تٶمەندەتتٸ. بۇل تۋرالى بانكتٸڭ ٶڭٸرلەر ەكونوميكاسىنا (Regional Economic Prospects) قاتىستى جاڭارتىلعان شولۋىندا ايتىلادى, دەپ جازادى Dalanews.kz.
ٶتكەن جىلدىڭ قىركٷيەگٸندە ەقدب قازاقستان ەكونوميكاسىنىڭ 2025 جىلداعى ٶسٸمٸ 5,5% دەڭگەيٸندە قالىپتاسادى دەپ بولجاعان.
"جٸٶ ٶسٸمٸ 2025 جىلى 5,2%-عا دەيٸن جەدەلدەيدٸ دەپ بولجانۋدا, وعان تەڭٸز مۇناي كەن ورنىنىڭ جوسپارعا ساي كەڭەيۋٸ ىقپال ەتەدٸ, ال سودان كەيٸن 2026 جىلى, بۇل كٶرسەتكٸش كەرٸسٸنشە 4,5%-عا دەيٸن باياۋلايدى", دەلٸنگەن ەقدب شولۋىندا.
سونىمەن قاتار, بانك ساراپشىلارى 2024 جىلى قازاقستاننىڭ جٸٶ ٶسٸمٸ بويىنشا باعامدى 4%-دان 4,5%-عا دەيٸن كٶتەردٸ. قر ٷكٸمەت باسشىسى ولجاس بەكتەنوۆ مەلٸم ەتكەندەي, 2024 جىلى قازاقستاننىڭ جٸٶ ٶسٸمٸ 4,8%-دى قۇرادى. ٷكٸمەتتٸڭ بولجامى بويىنشا, 2025 جىلى قازاقستاننىڭ جٸٶ ٶسٸمٸ 5,6%-دى, ال الداعى 5 جىلداعى ورتاشا جىلدىق ٶسٸمٸ 5,4%-دى قۇراپ قالادى.
دٷنيەجٷزٸلٸك بانك (دب) قازاقستاننىڭ جٸٶ-نٸڭ كٶرسەتكٸشٸ 2025 جىلى 4,7%-عا, 2026 جىلى 3,5%-عا ٶسەدٸ دەپ بولجاپ وتىر.
ايتا كەتسەك,بۇعان دەيٸن قوسىمشا قۇن سالىعى مٶلشەرلەمەسٸن 12%-دان 16%-عا دەيٸن كٶتەرۋ جەنە ول بويىنشا سالىقتىق تٸركەۋ شەگٸن 15 ملن تەڭگەگە دەيٸن تٶمەندەتۋ قازاقستاننىڭ جٸٶ ٶسٸمٸن 42 بازيستٸك تارماققا باياۋلاۋىنا ەكەلٸپ سوعۋى مٷمكٸن ەكەنٸن ۇلتتىق ەكونوميكا ۆيتسە-مينيسترٸ ازامات ەمرين بولجاعان ەدٸ.
