BankTsentrKredit 2017 jyly memleketten alǵan kómek aqshany merziminen buryn jabatyn boldy, dep habarlaidy Dalanews.kz.
Búginderi keibir bankter Prezident Qasym-Jomart Toqaevtyń kezinde memleketten alǵan qomaqty kómek aqshany merziminen buryn qaitarý týraly ótinishin qabyl alyp, óz jaýapkershilikterin oryndaýda.
Qańtar aiynda Memleket basshysy: "Jekelegen bankter barlyq shyǵyndy ótep úlgerdi, biraq memleketke tiesili qarajatty áli paidailanyp júr. Onda da táýekelsiz memlekettik quraldarǵa joǵary paiyzben investitsiialai otyryp, odan olar kepildendirilgen paidaǵa keńelýde", - dedi.
"Shynynda da, tómen paiyzben alynǵan (0,1-den 4% - ǵa deiin) memleket aqshasyn ekinshi deńgeidegi bankter qaitarýǵa esh asyqpaidy, tipti ókirtip tabys taýyp jatqandaryna qaramastan. Olar 2032-2040 jyldarǵa deiin memleketten sý teginge aqsha aldy. TsentrKredit Banki memlekettik kómek aqshany 2026 jylǵa deiin qaitarýdy josparlap otyrǵany belgili boldy", dep jazady "Rýchnaia ekonomika" Telegram arnasy.
Memlekettik kómek aqshany óz balansynda ustaýshy bankterdiń qatarynan (Alatau City Bank, RBK Bank, Eýraziialyq bank, Nurbank) bolyp tabylatyn BTsK 2017 jyly elimizdegi bank sektorynyń qarjylyq turaqtylyǵyn arttyrý baǵdarlamasy aiasynda 60 mlrd teńgeni jyldyq syiaqy mólshershlemesi 4%-ben 2032 jylǵa deiin alǵan edi.
"Biz memlekettik qarajatty merziminen buryn qaitarýdy josparlap otyrmyz. Ony 2026 jylǵa deiin aiaqtaimyz", – dedi iri aktsioner Baqytbek Baiseiitov.
Negizinen, atalǵan bank memlekettik kómektiń bir bóligin qaitaryp úlgergen: 2024 jyldyń sońynda - 20 mlrd teńge, biyl - taǵy 10 mlrd teńge. Osy jaǵynan alǵanda, bank memleketke taǵy 30 mlrd teńge qaryz.
Shyn máninde, joǵary tabysqa ie BTsK-nyń memleket aldyndaǵy qaryzyn merziminen buryn jabýy kesh bolsa da kútilgen jaǵdai. 2022 jyldan bastap bank tabysy boiynsha úzdik úsh/úzdik bes bankterdiń qatarynan kórine bildi. Sońǵy úsh jylda BTsK jarty trillion teńgege jýyq taza paida tapty: 2024 jyly – 202 mlrd teńge (+50%), 2023 jyly – 135 mlrd teńge (-7%), 2022 jyly – 145 mlrd teńge (+600%). Búginderi BTsK 7 trln teńge aktivter kórsetkishimen boiynsha elimizdegi eń iri úshinshi bank bolyp tabylady. 2025 jyldyń 5 aiyndaǵy bank tabysy 120 mlrd teńgeni qurady.
Buǵan deiin saitymyzda "Ókirtip tabys tapsa da memleketten alǵan qaryzyn qaitarmai júrgen qai bankter" degen maqala jariialanǵan bolatyn.
