بانكسەنتركرەديت 2017 جىلى مەملەكەتتەن العان كومەك اقشانى مەرزىمىنەن بۇرىن جاباتىن بولدى، دەپ حابارلايدى Dalanews.kz.
بۇگىندەرى كەيبىر بانكتەر پرەزيدەنت قاسىم-جومارت توقايەۆتىڭ كەزىندە مەملەكەتتەن العان قوماقتى كومەك اقشانى مەرزىمىنەن بۇرىن قايتارۋ تۋرالى ءوتىنىشىن قابىل الىپ، ءوز جاۋاپكەرشىلىكتەرىن ورىنداۋدا.
قاڭتار ايىندا مەملەكەت باسشىسى: "جەكەلەگەن بانكتەر بارلىق شىعىندى وتەپ ۇلگەردى، ءبىراق مەملەكەتكە تيەسىلى قاراجاتتى ءالى پايدايلانىپ ءجۇر. وندا دا تاۋەكەلسىز مەملەكەتتىك قۇرالدارعا جوعارى پايىزبەن ينۆەستيسيالاي وتىرىپ، ودان ولار كەپىلدەندىرىلگەن پايداعا كەڭەلۋدە"، - دەدى.
"شىنىندا دا، تومەن پايىزبەن الىنعان (0،1-دەن 4% - عا دەيىن) مەملەكەت اقشاسىن ەكىنشى دەڭگەيدەگى بانكتەر قايتارۋعا ەش اسىقپايدى، ءتىپتى وكىرتىپ تابىس تاۋىپ جاتقاندارىنا قاراماستان. ولار 2032-2040 جىلدارعا دەيىن مەملەكەتتەن سۋ تەگىنگە اقشا الدى. سەنتركرەديت بانكى مەملەكەتتىك كومەك اقشانى 2026 جىلعا دەيىن قايتارۋدى جوسپارلاپ وتىرعانى بەلگىلى بولدى"، دەپ جازادى "رۋچنايا ەكونوميكا" Telegram ارناسى.
مەملەكەتتىك كومەك اقشانى ءوز بالانسىندا ۇستاۋشى بانكتەردىڭ قاتارىنان (Alatau City Bank، RBK Bank، ەۋرازيالىق بانك، نۇربانك) بولىپ تابىلاتىن بسك 2017 جىلى ەلىمىزدەگى بانك سەكتورىنىڭ قارجىلىق تۇراقتىلىعىن ارتتىرۋ باعدارلاماسى اياسىندا 60 ملرد تەڭگەنى جىلدىق سىياقى مولشەرشلەمەسى 4%-بەن 2032 جىلعا دەيىن العان ەدى.
"ءبىز مەملەكەتتىك قاراجاتتى مەرزىمىنەن بۇرىن قايتارۋدى جوسپارلاپ وتىرمىز. ونى 2026 جىلعا دەيىن اياقتايمىز"، – دەدى ءىرى اكسيونەر باقىتبەك بايسەيىتوۆ.
نەگىزىنەن، اتالعان بانك مەملەكەتتىك كومەكتىڭ ءبىر بولىگىن قايتارىپ ۇلگەرگەن: 2024 جىلدىڭ سوڭىندا - 20 ملرد تەڭگە، بيىل - تاعى 10 ملرد تەڭگە. وسى جاعىنان العاندا، بانك مەملەكەتكە تاعى 30 ملرد تەڭگە قارىز.
شىن مانىندە، جوعارى تابىسقا يە بسك-نىڭ مەملەكەت الدىنداعى قارىزىن مەرزىمىنەن بۇرىن جابۋى كەش بولسا دا كۇتىلگەن جاعداي. 2022 جىلدان باستاپ بانك تابىسى بويىنشا ۇزدىك ءۇش/ۇزدىك بەس بانكتەردىڭ قاتارىنان كورىنە ءبىلدى. سوڭعى ءۇش جىلدا بسك جارتى تريلليون تەڭگەگە جۋىق تازا پايدا تاپتى: 2024 جىلى – 202 ملرد تەڭگە (+50%)، 2023 جىلى – 135 ملرد تەڭگە (-7%)، 2022 جىلى – 145 ملرد تەڭگە (+600%). بۇگىندەرى بسك 7 ترلن تەڭگە اكتيۆتەر كورسەتكىشىمەن بويىنشا ەلىمىزدەگى ەڭ ءىرى ءۇشىنشى بانك بولىپ تابىلادى. 2025 جىلدىڭ 5 ايىنداعى بانك تابىسى 120 ملرد تەڭگەنى قۇرادى.
بۇعان دەيىن سايتىمىزدا "وكىرتىپ تابىس تاپسا دا مەملەكەتتەن العان قارىزىن قايتارماي جۇرگەن قاي بانكتەر" دەگەن ماقالا جاريالانعان بولاتىن.
