Abai oblysynda densaýlyq saqtaý salasyna júrgizilgen jemqorlyq táýekelderine syrtqy taldaý barysynda (2024 j.) Biryńǵai distribiýtor – «SK-Farmatsiia» JShS meditsinalyq preparattardy ýaqytyly jetkizbeý faktileri anyqtaldy. Bul týraly Sybailas jemqorlyqqa qarsy qyzmet málimdedi, dep habarlaidy Dalanews.kz.
Bul tájiribe tegin dári-dármekterdiń jetispeýshiligine jáne patsientterdiń olardy óz qarajatyna satyp alýyna alyp keldi.
Meditsinalyq mekemelerde naqty jaǵdaidy jasyrý úshin “jalǵan retsepter” jazylǵan. Qujattarǵa sáikes patsientter dári-dármektermen tolyq qamtamasyz etilgen.
“Taldaý qorytyndysy boiynsha Abai oblysynyń barlyq emhanalarynda EGOV Mobile qosymshasynyń "Áleýmettik ámin" bóliminde QR-kod arqyly patsientterge tegin dári-dármek berý júiesi engizildi.
Qazirgi ýaqytta bul dári-dármekterdi alýdyń balama ádisi, alaida ol qazirdiń ózinde oń nátije kórsetýde”, — delingen habarlamada.
Málimdemege súiensek, QR-kod arqyly patsientterge tegin dári-dármek berý jónindegi joba pilottyq rejimde iske qosyldy jáne qorytyndysy boiynsha ony barlyq respýblika boiynsha masshtabtaý josparlanyp jatyr.
“2024 jyly patsientter sanynyń 14%-ǵa ósýine qaramastan (2023 j. – 77,6 myń, 2024 j. – 88,8 myń), Abai oblysynda jazylǵan retseptter sanynyń 24,8 myńǵa tómendeýi baiqalady (2023 j. – 707,6 myń retsept, 2024 j. - 682,4 myń retsept)”, — dep qosty olar.
Zamanaýi tsifrlyq sheshimderdi engizý jalǵan retseptterdi shyǵarý, dári-dármekterdi jymqyrý qaýpin edáýir azaityp, biýdjet qarajatyn únemdeidi.
