اباي وبلىسىندا دەنساۋلىق ساقتاۋ سالاسىنا جۇرگىزىلگەن جەمقورلىق تاۋەكەلدەرىنە سىرتقى تالداۋ بارىسىندا (2024 ج.) ءبىرىڭعاي ديستريبيۋتور – «سك-فارماسيا» ج ش س مەديسينالىق پرەپاراتتاردى ۋاقىتىلى جەتكىزبەۋ فاكتىلەرى انىقتالدى. بۇل تۋرالى سىبايلاس جەمقورلىققا قارسى قىزمەت مالىمدەدى، دەپ حابارلايدى Dalanews.kz.
بۇل تاجىريبە تەگىن دارى-دارمەكتەردىڭ جەتىسپەۋشىلىگىنە جانە پاسيەنتتەردىڭ ولاردى ءوز قاراجاتىنا ساتىپ الۋىنا الىپ كەلدى.
مەديسينالىق مەكەمەلەردە ناقتى جاعدايدى جاسىرۋ ءۇشىن “جالعان رەسەپتەر” جازىلعان. قۇجاتتارعا سايكەس پاسيەنتتەر دارى-دارمەكتەرمەن تولىق قامتاماسىز ەتىلگەن.
“تالداۋ قورىتىندىسى بويىنشا اباي وبلىسىنىڭ بارلىق ەمحانالارىندا EGOV Mobile قوسىمشاسىنىڭ "الەۋمەتتىك ءامين" بولىمىندە QR-كود ارقىلى پاسيەنتتەرگە تەگىن دارى-دارمەك بەرۋ جۇيەسى ەنگىزىلدى.
قازىرگى ۋاقىتتا بۇل دارى-دارمەكتەردى الۋدىڭ بالاما ءادىسى، الايدا ول ءقازىردىڭ وزىندە وڭ ناتيجە كورسەتۋدە”، — دەلىنگەن حابارلامادا.
مالىمدەمەگە سۇيەنسەك، QR-كود ارقىلى پاسيەنتتەرگە تەگىن دارى-دارمەك بەرۋ جونىندەگى جوبا پيلوتتىق رەجيمدە ىسكە قوسىلدى جانە قورىتىندىسى بويىنشا ونى بارلىق رەسپۋبليكا بويىنشا ماسشتابتاۋ جوسپارلانىپ جاتىر.
“2024 جىلى پاسيەنتتەر سانىنىڭ 14%-عا وسۋىنە قاراماستان (2023 ج. – 77،6 مىڭ، 2024 ج. – 88،8 مىڭ)، اباي وبلىسىندا جازىلعان رەسەپتتەر سانىنىڭ 24،8 مىڭعا تومەندەۋى بايقالادى (2023 ج. – 707،6 مىڭ رەسەپت، 2024 ج. - 682،4 مىڭ رەسەپت)”، — دەپ قوستى ولار.
زاماناۋي سيفرلىق شەشىمدەردى ەنگىزۋ جالعان رەسەپتتەردى شىعارۋ، دارى-دارمەكتەردى جىمقىرۋ ءقاۋپىن ەداۋىر ازايتىپ، بيۋدجەت قاراجاتىن ۇنەمدەيدى.
