قازاقستاندا 2026 جىلعى قاڭتار-قىركٷيەك ايلارىندا مۇناي مەن گاز كوندەنساتىن ٶندٸرۋ كٶلەمٸ ٶتكەن جىلدىڭ سەيكەس كەزەڭٸمەن سالىستىرعاندا 8,3%-عا ازايدى. بۇل تۋرالى ۇلتتىق ستاتيستيكا بيۋروسىنىڭ دەرەكتەرٸندە كٶرسەتٸلگەن, دەپ حابارلايدى dalanews.kz.
ەسەپتٸ كەزەڭدە ەلدە 69,351 ملن توننا مۇناي مەن گاز كوندەنساتى ٶندٸرٸلگەن. قىركٷيەك ايىندا بۇل كٶرسەتكٸش 7,663 ملن توننانى قۇرادى. بۇل تامىز ايىمەن سالىستىرعاندا 9,6%-عا از.
تابيعي گاز ٶندٸرۋ دە تٶمەندەگەن. قاڭتار-قىركٷيەك ايلارىندا گاز ٶندٸرٸسٸ 46,6 ملرد تەكشە مەترگە جەتٸپ, بٸر جىلدا 10,4%-عا قىسقارعان. ال قىركٷيەك ايىندا تابيعي گاز ٶندٸرۋ كٶلەمٸ تامىزبەن سالىستىرعاندا 26,8%-عا ازايىپ, 4,3 ملرد تەكشە مەتر بولدى.
سونىمەن قاتار موتور وتىنىنىڭ كەيبٸر تٷرلەرٸن ٶندٸرۋ ارتقان. توعىز ايدا قازاقستاندا 4,612 ملن توننا بەنزين ٶندٸرٸلدٸ. بۇل ٶتكەن جىلدىڭ سەيكەس كەزەڭٸمەن سالىستىرعاندا 3,5%-عا كٶپ. ديزەل وتىنىنىڭ ٶندٸرٸسٸ 3,4%-عا ٶسٸپ, 4,942 ملن تونناعا جەتتٸ. كەروسين ٶندٸرٸسٸ 22%-عا ارتىپ, 677 مىڭ توننانى قۇرادى.
ال مازۋت ٶندٸرٸسٸ كەرٸسٸنشە تٶمەندەگەن. قاڭتار-قىركٷيەك ايلارىندا 1,053 ملن توننا مازۋت ٶندٸرٸلٸپ, بىلتىرعى سەيكەس كەزەڭمەن سالىستىرعاندا 29,7%-عا ازايعان.
