QR Densaýlyq saqtaý ministri Aqmaral Álnazarova Shyǵys Qazaqstan oblysyna jumys saparymen keldi. Ol óńirdegi meditsinalyq nysandardy aralap, bolashaq mamandardy daiyndaityn oqý oryndarynyń jumysymen tanysty, habarlaidy Dalanews.kz
Sonymen qatar elimizde balamasy joq gematologiialyq ortalyqtyń qurylys barysyn baǵalady.
Óskemendegi meditsinalyq kolledjde ministr oqý kabinetterin, praktikalyq daiyndyqqa arnalǵan qural-jabdyqtardy qarap shyqty. Oqytýshylar jáne stýdenttermen kezdesýde Aqmaral Álnazarova meditsina biliminde bolatyn aldaǵy ózgeristerge toqtaldy. Kezdesýde oqý baǵdarlamalaryn jańartý, tájiribege negizdelgen oqytýdy kúsheitý máseleleri sóz boldy. Sondai-aq túlekterdi jumysqa ornalastyrý, óńirdegi meditsinalyq mekemelermen ózara is-qimyl jáne bilim berý protsesin jetildirý usynystary talqylandy. Stýdentter internatýradan ótý jaǵdailaryn jaqsartý men jas mamandardyń jalaqysy týraly suraqtar qoidy.
Óskemen qalalyq №2 emhanasynda ministr alǵashqy meditsinalyq-sanitarlyq kómek kórsetý sapasymen tanysyp, jalpy praktika dárigerleriniń kabinetterin aralady. Patsienttermen jáne meditsina qyzmetkerlerimen tildesip, alǵashqy meditsinalyq býynnyń mańyzdylyǵyn atap ótti.
Qurylys júrip jatqan Gematologiialyq ortalyqqa barǵan Aqmaral Álnazarova jobanyń biregeiligi men aýqymyn erekshe atap ótti. Bul nysan qan aýrýlaryn anyqtaý men emdeýdiń múmkindikterin óńirde ǵana emes, búkil el boiynsha keńeitedi. Qurylys alańynda Densaýlyq saqtaý ministri men ShQO ákimi Nurymbet Saqtaǵanov jobanyń negizgi parametrlerin talqylady.
– Ministrlik óz mindettemelerin tolyq oryndady: qarjylandyrý kólemi qajetti deńgeige jetkizildi, arnaiy memlekettik qor esebinen qarajat bólindi. Endigi mindet – merdiger kompaniianyń qurylys jumystaryn ýaqytynda aiaqtaýy, – dedi ministr.
Jańa joǵary tehnologiialy gematologiialyq ortalyq birneshe korpýstan turyp, túrli baǵytta qyzmet kórsetetin bolady. Nysan iske qosylǵan soń óńirde ǵana emes, respýblika boiynsha meditsinalyq kómektiń sapasy edáýir artady.
– Bul ortalyq óńirdiń meditsinalyq infraqurylymynyń mańyzdy bóligine ainalady. Endi turǵyndar arnaiy, joǵary bilikti kómekti alý úshin elordaǵa nemese iri qalalarǵa barýǵa májbúr bolmaidy. Qurylys barysy – meniń jeke baqylaýymda, – dedi oblys ákimi.
