«Qazaqmys korporatsiiasy» JShS Basqarma tóraǵasy Rýslan Óskenáli Sátbaev qalasynyń ákimi Murat Bóribaevpen birge Ulytaý oblysyn damytý baǵdarlamasy aiasynda kompaniia qarjylandyryp otyrǵan negizgi áleýmettik jobalardyń iske asyrylý barysymen tanysty, dep habarlaidy dalanews.kz.
Jumys sapary barysynda «Qazaqmys» kásiporyndarynyń jumyskerleri men qala turǵyndary úshin mańyzdy nysandar aralanyp, qurylys jumystarynyń oryndalý merzimi, sapasy jáne nysandardy ýaqytynda paidalanýǵa berý máselelerine erekshe nazar aýdaryldy.
Negizgi jobalardyń biri tarihy taý-ken óndirisimen tyǵyz bailanysqan qaladaǵy mańyzdy qoǵamdyq keńistik – Kenshi dańqy alańyn qaita jańǵyrtý. Jańartylǵan alań kenshilerdiń eńbegine degen qurmetti aishyqtap qana qoimai, qalanyń zamanaýi qoǵamdyq jáne mádeni ortalyǵyna ainalady.
Joba aýmaqty keshendi abattandyrýdy jáne barlyq jastaǵy turǵyndarǵa arnalǵan fýnktsionaldy aimaq qurýdy kózdeidi.
Joba aiasynda balalardyń oiyn alańyn, vorkaýt aimaq, jaiaý júrginshiler jolyn, sýburqaq, shaǵyn sáýlet nysandaryn salý jáne kógaldandyrý elementterin ornatý josparlanǵan.
Jobany iske asyrý qalalyq ortanyń jailylyǵyn arttyryp, qoǵamdyq belsendilikti damytýǵa jáne ómir sapasyn jaqsartýǵa múmkindik beredi. Qurylys-montaj jumysyn aiaqtaý men nysandy paidalanýǵa berý 2026 jyldyń III toqsanyna josparlanǵan.
Sondai-aq delegatsiia qalalyq aýrýhanany qaita jańǵyrtý jáne zamanaýi travmatologiialyq pýnkt salý barysymen tanysty. Joba halyqqa jedel meditsinalyq kómektiń qoljetimdiligi men sapasyn arttyrýǵa jáne qalanyń densaýlyq saqtaý júiesin nyǵaitýǵa baǵyttalǵan.
Uiymdastyrý rásimi aiaqtalǵannan keiin qurylys bekitilgen keste boiynsha jalǵasady. Nysandy paidalanýǵa berý 2026 jyldyń sońyna josparlanǵan.
Sapar qorytyndysy boiynsha Rýslan Óskenáli men Murat Bóribaev atalǵan jobalardyń iske asyrylýy korporatsiia men ákimdiktiń turaqty baqylaýynda ekenin atap ótti.
