– Júrgizilgen jedel sharalardyń arqasynda eki aptanyń ishinde mynadai oń nátijelerge qol jetti: táýliginde koronavirýs juqtyrý ósimi 4 paiyzdan 2,1 paiyzǵa azaidy. COVID-19 aýrýynan jazylǵandardyń sany 60 paiyzǵa jetti.
Jedel járdem shaqyrý 23 paiyzǵa tómendedi. Provizorlyq tósek-oryndardyń júktemesi – 20 paiyzǵa, jansaqtaý bóliminiń júktemesi – 6 paiyzǵa tómendedi, – dedi Aleksei Tsoi Úkimet otyrysynda.
Ministrdiń aitýynsha, Memleket basshysynyń tapsyrmasyna sáikes dári-dármekti sertifikattaý men tirkeý rásimi jeńildetilip, bir rettik tasymal protsedýrasy ońtailandyrylǵan.
– Arnaiy júk porttarynyń tasymalyn arttyrý arqyly dárihanalardy dári-dármekke toltyrý jumysy júrip jatyr. Óńirlerde arnaiy turaqtandyrý qory quryldy. Ambýlatoriialyq dári-dármek tizimin keńeitý jumystary qolǵa alyndy. Dári-dármektiń 1 ailyq qory jasaqtalýda. Osy jyldyń 22 shildesine deiin elimizdegi meditsinalyq uiymdar bir ailyq dári-dármek qorymen qamtamasyz etiledi, – dedi ol.
