– جٷرگٸزٸلگەن جەدەل شارالاردىڭ ارقاسىندا ەكٸ اپتانىڭ ٸشٸندە مىناداي وڭ نەتيجەلەرگە قول جەتتٸ: تەۋلٸگٸندە كوروناۆيرۋس جۇقتىرۋ ٶسٸمٸ 4 پايىزدان 2,1 پايىزعا ازايدى. COVID-19 اۋرۋىنان جازىلعانداردىڭ سانى 60 پايىزعا جەتتٸ.
جەدەل جەردەم شاقىرۋ 23 پايىزعا تٶمەندەدٸ. پروۆيزورلىق تٶسەك-ورىنداردىڭ جٷكتەمەسٸ – 20 پايىزعا, جانساقتاۋ بٶلٸمٸنٸڭ جٷكتەمەسٸ – 6 پايىزعا تٶمەندەدٸ, – دەدٸ الەكسەي تسوي ٷكٸمەت وتىرىسىندا.
مينيستردٸڭ ايتۋىنشا, مەملەكەت باسشىسىنىڭ تاپسىرماسىنا سەيكەس دەرٸ-دەرمەكتٸ سەرتيفيكاتتاۋ مەن تٸركەۋ رەسٸمٸ جەڭٸلدەتٸلٸپ, بٸر رەتتٸك تاسىمال پروتسەدۋراسى وڭتايلاندىرىلعان.
– ارنايى جٷك پورتتارىنىڭ تاسىمالىن ارتتىرۋ ارقىلى دەرٸحانالاردى دەرٸ-دەرمەككە تولتىرۋ جۇمىسى جٷرٸپ جاتىر. ٶڭٸرلەردە ارنايى تۇراقتاندىرۋ قورى قۇرىلدى. امبۋلاتورييالىق دەرٸ-دەرمەك تٸزٸمٸن كەڭەيتۋ جۇمىستارى قولعا الىندى. دەرٸ-دەرمەكتٸڭ 1 ايلىق قورى جاساقتالۋدا. وسى جىلدىڭ 22 شٸلدەسٸنە دەيٸن ەلٸمٸزدەگٸ مەديتسينالىق ۇيىمدار بٸر ايلىق دەرٸ-دەرمەك قورىمەن قامتاماسىز ەتٸلەدٸ, – دەدٸ ول.
