قازاقستاندىق زاڭگەر ابلاي بايتەنوۆ FlyArystan ەۋە كومپانيياسىنان مورالدىق زييان ٷشٸن ٶتەماقى ٶندٸرٸپ الدى. بۇعان جولاۋشىلاردىڭ كونديتسيونەرٸ قوسىلماعان جابىق ۇشاق ٸشٸندە 45 مينۋتقا جۋىق ۋاقىت وتىرۋعا مەجبٷر بولعانى سەبەپ بولعان, دەپ حابارلايدى dalanews.kz.
وقيعا 9 شٸلدەدە شىمكەنت – الماتى باعىتىنداعى رەيستە بولعان. بايتەنوۆتٸڭ ايتۋىنشا, جولاۋشىلاردى ۇشاققا ساعات 17:00 شاماسىندا وتىرعىزعانىمەن, ەۋە كەمەسٸ ۋاقىتىندا ۇشپاعان. سول كەزدە شىمكەنتتە اۋا تەمپەراتۋراسى +36,2 گرادۋسقا دەيٸن جەتكەن.
زاڭگەر سوتقا جٷگٸنگەن. ول دەلەل رەتٸندە سمارتفونعا تٷسٸرٸلگەن بەينەجازبالار مەن «قازگيدرومەت» دەرەكتەرٸن ۇسىنۋدى جوسپارلاعان.
بايتەنوۆتٸڭ سٶزٸنشە, ەۋە كومپانيياسى ٶز تاراپىنان ەشقانداي زاڭبۇزۋشىلىق بولماعانىن العا تارتقان.
الايدا بٸرٸنشٸ ساتىداعى سوت جولاۋشىنىڭ ۋەجٸن قولدادى. سوت FlyArystan-نان مورالدىق زييان ٷشٸن ٶتەماقى ٶندٸرٸپ, سونىمەن قاتار سوت شىعىندارىن تولىق ٶتەۋدٸ مٸندەتتەدٸ.
